掃呢頁CODE去手機

2020年5月27日 星期三

【同689一樣再出發】梁齊昕銷聲匿跡一年難得發相 網民歡迎:幾時激下你老竇 #689 #CY女 #梁振英 #梁齊昕

「齊昕摑母」記憶猶新,原來已經係3年幾前嘅事。自從梁振英卸任特首後,佢個女梁齊昕亦近乎銷聲匿跡,令網民好生想念。直到日前,齊昕突然上水,post出光顧 ...






「齊昕摑母」記憶猶新,原來已經係3年幾前嘅事。自從梁振英卸任特首後,佢個女梁齊昕亦近乎銷聲匿跡,令網民好生想念。直到日前,齊昕突然上水,post出光顧某間以黃色為品牌名底色的日本零售連鎖店打卡相,網民得知後相當歡喜,立即留言:「welcome back。」

梁振英卸任特首就快3年,但佢好出位,成日睇報紙搵廣告刷存在感。不過,比起見到689,網民更懷念佢個女梁齊昕,話晒齊昕以往言行舉止出眾,相當多代表作,唔係自爆使納稅人錢買奢侈品,就係傳出自殘甚至想自殺,當然最經典都係同龍蝦媽梁唐青儀嘅「親子互動」啦,特別係摑母一幕。

不過,相信呢啲經典可一不可再,事關689卸任特首後,齊昕生活歸於平淡,極少公開現身。難得喺街撞見佢,都係同屋企人同行,例如呢段從未曝光嘅片入面,佢哋一家五口齊人出動,睇戲食飯直落。可見,齊昕同龍蝦媽關係得到大幅改善,變成糖黐豆繑住手甚至十指緊扣,兩母女有講有笑融洽咗勁多,連打扮品味亦相當接近。或者誠如坊間所傳,因為情緒病受到控制,齊昕連家人關係都改善埋。唔只龍蝦媽,一家人睇完戲喺餐廳食飯席間,689無睇報紙,仔女亦無玩電話,反而「圍爐」吹水。離開時,齊昕又同細妹梁頌昕繑住手嘻嘻哈哈,一家五口更邊行邊傾雞啄唔斷。

家庭和睦當然係好事,但大家都有眼睇,代價就係齊昕身形暴脹,加埋個髮髻,有少少相撲手feel。另外,以往好識打扮嘅佢,著咗條紅色碎花連身裙,打扮品味轉晒,驟眼睇幾乎就係龍蝦2.0。

好彩,呢啲都係過咗去嘅事,根據齊昕post上社交網站嘅新相,雖則身形未回復到「當打」時期咁fit,但明顯好咗好多,唔再係肥腫難分,再著起碎花裙都無咗浸大媽除。除咗相,齊昕亦上載同家中三隻狗狗嘅片段,不停問狗狗愛唔愛自己。

齊昕po片又po相,網民都話感覺到齊昕返嚟喇,立即留言「歡迎」,仲問:「幾時幫我哋激下你老竇,你以前做得好好㗎。」難得齊昕精神咗心情好咗一家人關係又好咗,唔好咁啦,應該多啲陪下老人家,等689唔好日日睇報紙搵廣告咁悶仲好啦。





----------------------------

壹呼百應 號召有心人 請香港人睇壹週刊

按此了解更多

----------------------------

APP 內訂閱

1Click 搞掂 輕鬆簡便

按此了解更多

-----------------------------

【昔日紙本檔案庫】

30年壹仔經典 壹壹重現!


鍾意就快D Share啦!