掃呢頁CODE去手機

2020年5月27日 星期三

黎諾懿:黎諾懿減十磅谷胸肌 黃智雯麒麟臂油淋淋 #黃智雯 #黎諾懿

辛苦都值得嘅!見到成績!王浩信、黃智雯和黎諾懿日前為新劇《刑偵日記》開工,三人為角色操肌,前兩位操到手瓜起𦟌,智雯更「搽油」上陣,挑戰浩信的麒麟臂,而 ...




辛苦都值得嘅!見到成績 !


王浩信、黃智雯和黎諾懿日前為新劇《刑偵日記》開工,三人為角色操肌,前兩位操到手瓜起𦟌,智雯更「搽油」上陣,挑戰浩信的麒麟臂,而諾懿則白Tee下練到胸肌浮凸,相當亮眼。


由影后兼視后惠英紅孭飛的無綫重頭劇《刑偵日記》,在新冠肺炎疫情放緩下終於開工,日前王浩信、袁偉豪(Ben)、黎諾懿和黃智雯在尖沙咀拍外景,於後巷拆解兇案謎團。當中演雙重人格的王浩信及演拆彈專家的黃智雯,都操到手瓜起𦟌,至於演警察的諾懿在白色貼身Tee下,亦顯現胸肌。反之剛榮升業主的Ben,因為演心理醫生,造型稍為收斂。


讚惠英紅氣場勁


計劃再向歌唱事業出發的浩信,表示暫時未有時間:「我都有份唱主題曲,等我拍埋啲劇再籌劃吓,今次角色係演雙重人格,對我嚟講係新挑戰,所以要放多啲時間。(面對紅姐可有壓力?)我演佢個仔,大家都有精神上嘅問題,好多情緒上嘅演出要處理。」


未埋位前忙於「搽油」的智雯笑言:「因為我演拆彈專家,套衫都7、80磅,要操Fit體能,所以我特別曬黑啲,又搵教練喺屋企練習同節食,用咗兩個月時間,手臂都實淨咗,所以搽啲油出鏡靚啲。(班底好強?)係呀,紅姐氣場好勁,所以不能鬆懈。」同樣在家操肌的諾懿亦減了十磅,他笑言用了十日揼起副偈,說到減肥餐單,他說:「唔健康㗎,全日只食個乳酪,大家唔好學我!(疫情關係兒子今年停學?)係呀,佢BB班,好彩佢冇扭計唔畀我出門開工,因為我話佢知我開工賺錢買玩具畀佢!」


袁偉豪積極搵錢


剛榮升業主的Ben,笑言放了一個長假,係時候發力「還債」:「買樓後就要開始努力做嘢,之後供樓呀!(6,000萬係可觀數目?)係大膽㗎!但女友家人都鼓勵我,自己計過條數,可以承擔到,亦有動力去搵錢!其實我同女友一齊買樓都代表共同承擔,結婚係遲早嘅事,有好消息會同大家講!」

來源 source: http://hk.on.cc
鍾意就快D Share啦!