2020年5月16日星期六

【勁呀】逆齡有術毛舜筠拉埋家人陪坐無影凳 #毛舜筠

【勁呀】逆齡有術毛舜筠拉埋家人陪坐無影凳

毛姐同細女、老公齊齊邀請大家到她家坐「梳化」！

現年60歲嘅毛舜筠（毛姐）逆齡保養得宜，全因為向來注重飲食，生活健康，加上盡量喺夜晚6點後唔再進食，最多只食七分飽，所以身型fit到爆。另外，她熱愛做運動，以前更係個運動達人，會跑10公里，近年改做瑜珈，每星期至少3次運動，每次個半小時瑜珈、拉筋或急步行等。

昨晚她上載兩張運動相，除自己在家中健身房做倒立外，仲拉埋老公區丁平及細女區亦山（Jill）做親子運動，三人身穿運動裝，齊齊貼住牆邊坐無影凳，相中素顏示人毛姐，神情輕鬆；而年紀輕輕嘅Jill面露笑容，似乎呢個動作難唔到她，反觀區丁平用手撐住雙腿，似乎比較吃力，但跟家人做運動，不失溫馨。毛姐留言說：「張這『梳化』幾舒服，歡迎大家來我家坐坐或跟我一起站著#食有時運動#有時鍛鍊毅力」

唔少網叫大讚毛姐好勁，因為呢張「梳化」坐一陣就頂唔住！另有話Jill好叻，毛姐自豪用英文回覆：「我知！佢永遠係最棒的。」亦有網民笑說：「多謝(邀請)，我屋企也有梳化的！」