2020年5月16日星期六

【停工不停動】單挑總理打乒乓波完勝勁囂張　JW即被胡鴻鈞寸準備輸 #JW #胡鴻鈞

【停工不停動】單挑總理打乒乓波完勝勁囂張　JW即被胡鴻鈞寸準備輸

JW單挑總理打乒乓波完勝後，反應勁囂張。

呢期藝人愛嘅運動都不離健身同行山咁，不過JW（王灝兒）就比較特別，最近愛上打乒乓波，由3月尾開始佢就密密打，雖然睇得出佢係識打，但間中都會出現啲蝦碌晒嘢，譬如打到個波上天花板咁所以佢都有為自己打氣，並留言話：「IM GETTING BETTER!!!!!」不過，之後佢練得好密，後尾仲搵埋教練學習，更寫道：「今次特登搵埋教練，練埋反手，我要參選奧運啦，等我呀」下過一番苦功後，呢日JW竟然約人單挑，結果仲贏埋，難怪佢會好囂張咁留言：「JW VS李總理完勝」又話：「LOOOOL in case u guys ever need this?」仲hashtag「easypeasy、無難度、簡單、容易、easy」相當得戚！所以連胡鴻鈞都睇唔過眼留言：「readyto lose ? 」JW當然唔服輸叫對方，「試一場先」認真霸氣。