掃呢頁CODE去手機

2020年5月11日 星期一

疑抽水男教練辯稱演員收錢拍 鄧穎芝:上庭由受害者回應 #鄧穎芝

網上今日流傳一組「男教練緊抱女學員示範武術動作」的圖片,由於動作暖昧,引起廣泛討論。鄧穎芝亦有在facebook為女性發聲,斥責男教練是人渣,呼籲受害 ...






網上今日流傳一組「男教練緊抱女學員示範武術動作」的圖片,由於動作暖昧,引起廣泛討論。鄧穎芝亦有在facebook為女性發聲,斥責男教練是人渣,呼籲受害人報警。

被質疑抽水的男教練,其後在facebook專頁「The MMA of Hong Kong香港混合武術」上載過三條短片,各長約5至6分鐘,內容大同小異,都是該名男教練反駁指控,辯稱拍片目的是想推廣柔術:「唔係個個都識,唔係個個都有時間、錢去學。」男教練指自己出錢請演員拍片,並不是學員,強調拍攝前有表明會拍巴西柔術:「事前佢哋知道,事中都同意,事後都冇嘢。」現時感覺猶如帶錢出街被人打劫,卻反遭指摘一樣。

男教練反駁說沒有逼任何人拍片:「就算真係逼,人哋有腳有手識走嘛,我而家係畀錢請人返嚟拍攝喎,一個人就唔到嘛,一個人你都唔知我做緊乜啦,鎖頸鎖腰,你都唔知我講乜啦,一定最少要有兩個人。」並強調一定會有近距離接觸。

他並指無論自己、家人及朋友都受到滋擾,男教練於片中不下7次強調自己個人資訊外洩,是受害人:「今日我做受害人,他日就係你。」

三段片當中,男教練都不忘斥責「鄧小姐」挑撥離間、落井下石、煽風點火,他說:「最大聲嗰個係鄧小姐,講咁多嘢,而家鄧小姐就係一個英雄,我就係受害人!」又謂:「演員隔咗咁耐都冇聲出,反而姓鄧嗰個小姐煽風點火,我唔知佢做乜鬼,作為一個香港人,你咁樣做太過份。」惟至晚上短片消失,facebook顯示連結已失效,或頁面可能已被移除。

對於被指煽風點火,《蘋果》晚上再聯絡鄧穎芝,她稱:「冇回應,等上庭由受害者回應。」鄧穎芝並在FB駁斥:「以試鏡和拍攝為名非禮受害人,如果你都係受害人,希望你可以企出嚟陪佢一齊指證個衰人。」並指已有4個涉事女生聯絡她。

曾習武的黃秋生和歐錦棠亦分別在facebook發聲,秋生提出:「遇到要抱住妳嘅所謂教練,一定係抽水。就算MMA柔道教練,都唔會男教練攬住女學生嚟教。」而歐錦棠支持報警,形容教學超越晒教拳範疇。

-----------------------------

App內1-Click訂閱《蘋果動新聞》

按此了解更多



專頁「The MMA of Hong Kong香港混合武術」曾上載三條片,該名男教練指鄧小姐煽風點火,其後片段連專頁一起消失。(facebook圖片)


男教練示威動作,稱拍片女生不是學員,是收錢的演員,又指一定會有身體接觸:「事前有講拍柔術,事後都冇嘢。」(facebook圖片)


鄧穎芝今日不齒有人借教武術非禮,呼籲受害人報警。(資料圖片)



鍾意就快D Share啦!