因武漢肺炎疫情下，導致包括電影業在內全港各行各業都接近停頓，而近來難得在逆市下依然有電影開拍的陳果，今日在西環為其新戲港產奇幻電影（片名待定）煞科，一班演員包括太保、黃又南、李麗珍、邵音音、張達明和車保羅等出席。同日更是邵音音的70歲正日生日，劇組送上生日蛋糕為音音姐賀壽。
其中黃又南和李麗珍受訪時表示，感恩在這市道下依然有工開，又南日前在拍攝時更不慎整傷右手無名指，他說：「拍攝時唔小心隻手打咗落風扇度，手指畀佢劏開咗即刻要去醫院睇急症，好彩止到血可以繼續拍。」而珍妹更透露拍攝此片前，遇着爸爸剛過身，導致自己情緒狀態不太好，她說：「有兩場戲甩咗，要同導演講聲對唔住，至於爸爸嘅身後事，全部都安排好晒搞掂晒，細節就唔多講啦。」
至於影帝太保，早前在台灣拍攝劇集《殘值》入圍金鐘獎最佳男配角，對奪獎信心，他笑言：「唔知點解啲獎係咁黐住我，攞唔攞獎係其次，最緊要評審同觀眾鍾意，咁就最開心。」講到今次電影，他說認識陳果三十多年，對方邀請他一口應承：「我月頭返嚟，隔離咗14日就即刻開工，拍完呢套 9月又會再拍另外一套，暫時唔會返台灣住。」他希望疫情早日過去，勉勵港人大家咬緊牙關渡過今次疫情。
另外導演陳果和邵音音受訪時，陳果就表示電影開拍正值疫情最嚴重時刻，他說：「我起初都諗緊拍唔拍，但唔拍大家就冇飯開，所以喺拍攝地點做足安全措施，每日消毒、戴口罩同量體溫。」至於音音姐就表示，日前已預先跟家人食飯慶祝，又表示很喜歡今次角色，因為充滿難度：「我做一個腦退化嘅婆婆，一句對白都冇，每日化妝落妝要用7個鐘，我真係好鍾意今次角色，演到呢個角色係我最好嘅生日禮物，希望觀眾都會鍾意。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
《本土情味》結集《飲食男女》雜誌經典欄目「老字號」文章，記錄香港40家飲食老店的動人故事，見證香港飲食史的甜酸苦辣。即日起，於各大便利店及書報攤有售，並於《蘋果日報》你的優惠網上獨家發售！
來源 source: http://hk.appledaily.com
|
鍾意就快D Share啦！
|
|
|
