2020年8月28日星期五

【咪走雞】雷有輝Joey Tang今晚10時《頭條娛樂》fb開Live唱好歌 #Joey #容袓兒

【咪走雞】雷有輝Joey Tang今晚10時《頭條娛樂》fb開Live唱好歌

雷有輝和Joey Tang約定你今晚見！

太極樂隊主音雷有輝入行40年，創作同演繹過很多經典好歌，不少粉絲等到頸都長，瘋狂撲飛睇佢嘅處男個唱《PAT Music Over Rainbow 雷有輝音樂會》，可惜個唱受新冠肺炎第三波影響被迫延期！

大家唔使失望住，因為今晚10時，雷有輝將會聯同個唱Band leader兼太極隊友Joey Tang（鄧建明），喺《頭條娛樂》Facebook專頁開Live，屆時佢哋除咗演繹70年代英文金曲，仲會為樂迷選唱膾炙人口嘅經典好歌《分分鐘需要你》、《印象》、《怪你過分美麗》、《紅色跑車》、《留住我吧》、《一加一減妳》、《Crystal》..頂住癮先，唔止勾起大家集體回憶，喺疫情下，投入喺音樂世界之中，係減壓良方！大家記得今晚捧場，齊齊聽靚歌，一齊happy Friday，千祈咪錯過呀！