有「Forever Cheap」之稱的曹永廉，早前喺FB群組「Save HK」裏面，留言幫黃翠如「證藍」身份，搞到黃翠如一直潛水，直至今日開工才喺林夏薇社交網「見人」，令黃翠如變成「藍翠如」後，Forever Cheap今日再出手，幫早前貼「手足圖」的陳敏之認證，仲叫大家相信敏之係一個愛國藝人，真係當正自己係「藍血界KOL」。
「索腿天后」陳敏之早前因上載一張「手足圖」後，隨後有指她被飛出有份參演的邵氏新劇《飛虎之壯志英雄》，而陳敏之昨晚在社交網站開直播時亦有為「手足圖」解釋，表示因自己是媽媽及信仰關係才貼出該圖，「人嘅能力好有限，我係想藉着神嘅愛，去解決所有嘅問題，我冇諗過呢件事情變得咁複雜，所以我有為呢件事唔開心」，又以魚蛋、雞蛋仔等地道香港小食，解釋自己是愛國愛港之人。
陳敏之直播出街後，有網民將她高呼愛國報道貼在微博中，不過一眾大陸網民就似乎唔多接受，紛紛以「你不是愛祖國，是愛祖國的人民幣呢」、「信佢一成都死，擺明見唔對路，轉態想繼續賺錢，賺夠你估唔會移民出去又鬧一鑊」、「她愛的是RMB，當然她在內地沒市場」、「她家曲奇賣不出了」等留言狂踩。曹永廉亦有關注該網民，今日在該post中留言，為陳敏之澄清：「請大家相信陳敏之，我知道她是愛國愛港的藝人。」加上感謝及心心emoji。
藍血曹永廉一出手，雖有網民即時轉軚表示「我相信你，所以決定相信她」、「支持敏之」，但有清醒的網民反問點解陳敏之出事後，要到冇工開的地步才出聲，似乎已看透世事嘅曹永廉就回覆：「因為她有生意在香港，要考慮暴徒破壞。」見曹永廉盲撐自己，陳敏之亦相當感動地回覆：「謝謝廉廉。」加上一個心心emoji來表達感激之情。
另外，陳志雲昨晚於其YouTube節目《STEPHEN．傾》中亦力撐陳敏之，嘗試為對方解畫。陳志雲於節目開始時獻唱《Perhaps Love》，唱完該曲後，陳志雲說：「點解我會唱呢首歌呢？我相信香港人呢個禮拜心情比較沉重。我有個好好嘅……其實佢叫我師傅但我唔係佢師傅，阿敏之呢，我見佢facebook唔係好開心。因為佢post咗一張耶穌基督嘅相。係兩個弟兄們走埋去，張相就話『孩子，累了嗎？到我跟前來吧！』係咁嘅啫。其中一個戴住口罩，可能代表某種價值，但係我肯定敏之唔係所指邊一派別嘅人，耶穌嘅愛係博大嘅，『你嚟，等我擁抱你』咁解㗎啫。」
陳志雲認為愛能化解一切矛盾：「大家嘅政治見解可以完全唔同，但係我同敏之睇法一樣，愛可以解決一切。希望大家呢刻放低沉重嘅心情，等自己輕鬆一下，因為如果成日都咁沉重嘅話，睇唔到前面條路點行。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
《本土情味》結集《飲食男女》雜誌經典欄目「老字號」文章，記錄香港40家飲食老店的動人故事，見證香港飲食史的甜酸苦辣。即日起，於各大便利店及書報攤有售，並於《蘋果日報》你的優惠網上獨家發售！
來源 source: http://hk.appledaily.com
|
鍾意就快D Share啦！
|
|
|
