「兄妹」十周再合體出歌 糖兄爆糖妹死穴：點解咁耐都冇拖拍
糖兄妹日前作客TVB娛樂新聞台節目《StarTalk》，接受主播許文軒（Edmond）專訪，大談出道十周年及二人合體推出實體專輯感受。糖兄說：「感嘆十周年都仲係度，因為要明白𠵱家世界轉變得咁快，有啲嘢一、兩年已經好似好耐，所以我哋經歷到十年真係唔容易。」糖妹說：「我哋有五年時間冇以糖兄妹名義出歌，果段時間大家分開發展，糖兄做幕後音樂，我去咗拍劇同做主持，係多咗人留意自己，不過注意力去晒我演戲同主持嗰度，近年上咗《流行經典50年》又或者自己拍Cover片，大家又好似留意返呢個女仔係好認真唱歌，所以我諗十周年都係時候出返嚟見大家。」
二人於節目亦互爆小秘密，問到糖妹死穴時，糖兄即說：「有好多都唔講得！點解妳咁耐都冇拖拍？」糖妹笑說：「哈哈！唔駛急，我媽咪話再大個啲生仔會好辛苦，我心諗生仔都要諗，未諗到呢Part住。」糖兄直言叫糖妹不用擔心，因為科技進步，年紀大都可以生仔。談到糖兄令糖妹不滿的事情時，糖妹說：「佢成日唔記得帶証件，點解呢啲事可以試過兩次！」糖兄說：「係唔同嘅，因為一次係身份證，另外一次係回鄉證，其中一次因為咁而直情去唔到內地工作，自此之後我啲同事同埋我老婆都會提醒我，呢件事我自己都好不滿。」
來源 source: http://hd.stheadline.com
|
鍾意就快D Share啦！
|
|
|
