吳君麗今日出殯，一眾好友也到來送對方最後一程。
粵劇名伶吳君麗上月26日病逝，享年91歲，今日在香港殯儀館出殯，遺體隨即運往歌連臣角火化。
除了家屬及親戚，吳君麗生前的圈中好友，包括胡楓、阮兆輝、薛家燕、南紅、丁羽、黃夏蕙等也有到場送摯友最後一程。儀式完畢後，由胡楓、阮兆輝、薛家燕等人負責扶靈。離開時，薛家燕哀傷落淚，胡楓亦眼濕濕，兩人都有安慰吳君麗兒子陳金池及孫兒陳梓笙。
「八牡丹」之一的南紅表示勾起了與吳君麗相處的回憶：「以前做戲，佢係正印花旦，我係第二花旦，識咗幾十年，結拜成八牡丹。我今日特登嚟紀念佢，佢對我非常好，有如姊妹。生老病死每個人都有，今日特別嚟送佢一程。（有冇好深刻嘅相處經歷？）當然八牡丹姊妹對我好深刻，佢當我係妹妹，成日維護我，對我非常好，我哋嘅感情非常好。（最後一次見係幾時？）六月薛家燕娶新抱嘅時候。（老公楚原冇嚟？）唔使，佢老喇，唔使佢嚟。」
來源 source: http://hk.on.cc
|
鍾意就快D Share啦！
|
|
|
