大台對旗下藝員有幾苛刻無良，相信大家都聽過吓，有傳仲會抱住一個高高在上、皇恩浩蕩嘅姿態擺款：「我而家畀機會你上鏡，你應該多謝返我就差唔多。」
不過，效忠無綫三十幾年嘅黎芷珊，早前竟然同ViuTV Mirror成員Anson Kong同場出席活動，正常都會被大台召見照肺。不過，芷珊姐姐無，因為佢表示得到大台批准，轉咗合約內容，所以日後亮相其他電視台都無問題。
- TVB旗下的藝人竟能與ViuTV的同場，算是難得一見。
「方丈不嬲都好小氣嘅，任何一個藝人，只要你唔係只為TVB工作，或者被佢發現你偷偷地同隔離台做嘢，咁你就一定受到處分。芷珊姐姐呢個case呢，真係令到我心裡面好興奮，呢個咁大嘅電視台終於有個合約性嘅break down。芷珊姐姐做咗三十幾年，一個好忠心嘅人，終於都頂唔住喇！無論你點話自己幾大台都好，但你無guarantee畀我，而家又無廣告(疫情令經濟差再加市民杯葛大台形象唔好)，你又唔畀我出去撈，隔離電視台有嘢開我又因為你份合約做唔到。芷珊姐姐呢一份改變「大台藝員獨家」嘅合約終於出現，佢可以去其他電視台工作，而且仲有其他演員已經簽咗呢種合約。咁你就見到，其實一個好似打唔破嘅權力、機構，喺現實之下始終要跪低。」
鄭敬基仲話，以大台咁自以為是嘅機構，無危機係唔會跪低嘅，好簡單舉個例：「點解以前王維基個台出到嚟咁緊要呢？啲人見到王維基可以畀好啲嘅薪金、拍得好啲嘅劇，好多人願意跳槽過去嘅時候，TVB當時即時加人工畀藝員，佢無危機係唔會跪低。而呢一次，喺無人要求底下、係一個對於TVB唔算好有力嘅演員，TVB都要讓步嘅時候，即係話呢個機構已去到無演員願意為佢服務，或者喺咁惡劣嘅條件底下為佢效忠，呢個機構唯有跪低。」
就現時情況睇，疫情打擊經濟，加上網民長期杯葛TVB，令廣告商質疑其形象，真係對大台帶嚟好大嘅財政壓力，所以芷珊姐姐被問到「係咪因TVB未能提供穩定收入畀藝員先至放寬合約限制」時，佢直接承認：「都可以咁講。」
- 鄭在個人YouTube頻道談及TVB放寬藝員合約限制一事。
守住新聞自由 和你撐計劃每月$300起撐《壹》仔
按此了解更多
壹呼百應 號召有心人 請香港人睇壹週刊
按此了解更多
-----------------------------
英國移民、升學、就業、買樓生活資訊！
立即加入「走佬去英國 － BNO 5+1 移民資訊研究所」
-----------------------------
【昔日紙本檔案庫】
30年壹仔經典 壹壹重現！
來源 source: http://nextplus.nextmedia.com
|
鍾意就快D Share啦！
|
|
|
