TVB藝人陳瀅和93歲婆婆向來感情要好，為了讓婆婆生活過得舒適，寧願自己節衣縮食，儲夠錢在加拿大置業讓婆婆安享晚年。在港工作的她，以往一有大假便會飛去加拿大探對方，上年農曆新年，陳瀅已經飛了一轉同婆婆拜年，昨日她再次飛加國，專誠和婆婆慶祝冬至，她在IG留言說：「細個嗰陣婆婆成日教我『冬大過年』所以一定要返嚟同佢過冬。」為了給婆婆一個驚喜，陳瀅一入大門便躡手躡腳行入大廳，只見原本坐在廳中的婆婆，一見孫女即興奮地跟着對方揈手，之後更開心到喊，陳瀅即親切地和婆婆說：「哎吔！唔好喊」又不忘提醒婆婆戴上口罩。
其實陳瀅今次飛加拿大，事前事後準備功夫均要做到足，事關武漢肺炎全球肆虐，因此她在IG留言指在見婆婆前，自己已先後做了3個不同的測試，待全部結果呈陰性才決定成行，踏入門口前更要全身消毒過，以防有閃失。另一方面，大台台慶頒獎禮下月中舉行，陳瀅要出席，便要預早14日返港隔離，最慘係前後成個月都見唔到家中兩隻愛犬，陳瀅留言說：「今次係我第一次離開狗狗超過兩星期，佢哋都好唔捨得我！」後加多個喊喊emoji。她又指事隔幾個月，再次踏足香港機場，眼見整個機場空空如也時，感到有種奇怪的感覺。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
