胡曦文（前名胡敏珊）、梁雪瑤與湯沛宜等，今天於銅鑼灣出席護膚健康品牌分享會。胡曦文指品牌主要幫助大家抗氧化，同時有助減壓，她說：「品牌籌備咗2、3年，出咗唔夠一年，自己食咗產品都瘦咗一個半碼，成個人都實咗，喺疫情下銷情好好。」問到是否會當聖誕禮物送給友人？她說：「我嘅朋友每年都會收到禮物，我每年都會喺外國過聖誕，今年就冇party，會同男朋友二人世界，會約朋友煮飯仔，我好鍾意行街市，不過疫情下都少咗去，聖誕節會自己去買吓餸，冇嘢好過返屋企，同朋友聚吓，我想要簡單生活。」
談到新一年的願望，胡曦文說：「但求安穩，平步漸進就好開心，其實好感觸，因為身邊有朋人冇咗份工，我都想請多啲人，今次係畀香港人一個考驗，可能會係轉機，大家要珍惜現有嘅工作。之前有新聞寫有個機師轉咗個巴士司機，我好respect佢，憑自己嘅努力，冇話咁高嘅唔可以落返嚟，只要努力做乜都冇所謂，我祝福佢。」
另外，湯沛宜疫情下發掘了另類出路，年初已開始在網上做帶貨直播，她說：「我可以話係第一批藝人做帶貨直播，而家除咗演藝工作，都會喺網上平台同大家分享，有時仲會有分成，收入唔算多，但都可以食餐飯㗎。」而亞姐出身的梁雪瑤則謂今天來向胡曦文偷師，自己也希望創一番事業，她說：「嚟緊都希望出自己品牌，服裝、美容、珠寶都得。我仲會出新歌，雖然疫情下比較靜，係有少少冒險，不過而家出現反而可以畀娛樂大家。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
