10幾年冇喺香港劇集見到葉童喇！
藝人龔嘉欣和羅天宇主演的無綫熱播劇《香港愛情故事》好評不斷，雖然聽晚（22日）就大結局，不過近日仲有新角色登場，金像獎影后葉童驚喜客串，飾演周帆（劉子碩飾）貴氣媽媽，雍容華貴現身即被激讚Keep得好！
久違香港電視圈10幾年嘅葉童，佢接受《東張西望》訪問時，就直言唔介意戲份多少，並大讚劉子碩及游嘉欣靚仔靚女：「拍攝好好玩，我冇想過會係咁嘅拍攝方法。第1次同導演合作，仲有呢班充滿活力嘅年輕人。我本來以為係小型製作，但冇想到原來有好多工作人員，好開心！大家都好有衝勁、好有活力。」
據悉監製對角色有特別要求，因為佢睇中葉童嘅氣質，葉童笑言：「早知係咁，連對白都唔使背喇，企喺度就得喇。佢可能覺得我有少少外國人嘅感覺，嗰種唔太標準嘅普通話、唔太標準嘅英文，夾雜一齊，好得意。」久未在港露面嘅葉童又表示：「其實一直都好鍾意喺香港做嘢，所以我唔太介意戲多或戲少，覺得就係玩吓、開心吓，又唔會太辛苦，幾好。」
來源 source: http://hk.on.cc
|
鍾意就快D Share啦！
|
|
|
