處女作就咁有口福！
唔少落選港姐都會選擇加入無綫發展，好似應屆成功打入最後5強嘅何孟珊（Roxanne）就留喺演藝圈追夢，無悔放棄做護士！最近，佢更加入《東張西望》，處女下海擔任節目嘅外景主持！睇嚟節目組都好錫佢，第1次唔使佢走訪社區「偵查」社會個案，委派佢去介紹盆菜，好有口福！
節目中，佢走入廚房試食「三姐」蕭秀香秘製嘅豬腳筋，不過可能未習慣主持工作，除罩試食時竟然擰轉面背向鏡頭，又遮住嘴巴！
喺節目後段，佢就獨自試飲盆菜個湯底，再講出試後感，有網民略嫌佢講嘢生硬，同埋似乎都有懶音，不過都讚佢第1次嚟講，表現算係唔錯，而佢亦喺社交網話：「今次真係處女下海做主持，希望有咩做得唔好嘅地方，大家多多包容啦，繼續努力繼續努力！」
佢又特別留言多謝林溥來（Patrick Sir）為佢同一班同屆港姐進行主持訓練：「我都想好似你咁不但響（喺）主持方面發展得好好，並且響（喺）演戲方向都做得好得心應手，多謝曬(晒）！」Patrick Sir亦有為佢打氣，夠晒暖心呀！
來源 source: http://hk.on.cc
|
鍾意就快D Share啦！
|
|
|
