掃呢頁CODE去手機

2020年12月31日 星期四

陳卓賢甩底新城頒獎禮 拖混血索模Amy到坪洲「蜜」會斷正 #Amy #艾美琦 #陳卓賢

人氣男子組合MIRROR成員陳卓賢(Ian)日前被爆暗撻「爆粗港姐」陳曉華,之後再傳他成功私有化索模盧慧敏(AmyLo)和同劇拍檔余潔滢,加上與Viu ...






人氣男子組合MIRROR成員陳卓賢(Ian)日前被爆暗撻「爆粗港姐」陳曉華,之後再傳他成功私有化索模盧慧敏(Amy Lo)和同劇拍檔余潔滢,加上與ViuTV一姐陳俞希及蘇皓兒曾有親密關係,一男5女夠晒熱鬧。

周旋5女之間的Ian,被封為新一代靚女收割機,他連日亦刻意避開傳媒,對戀情未置可否。在2020年最尾一日,Ian身邊的真命天女終於正式揭盅。今年27歲的Ian,最終情定與他同屬高頭大馬型兼同齡的墨西哥混血索模Amy Lo。昨日(30日)有《蘋果》讀者何小姐爆料指在下午5時許,見到Ian和Amy Lo在中環碼頭出現,二人更不避嫌全程拖着手,態度親暱。何小姐說:「其實係見到個女仔先嘅,因為見佢好高,戴咗口罩都有啲星味,之後再望吓個男仔,先發覺原來係Ian。佢哋搭下晝5點半船入坪洲,咁啱我又係搭同一班船,見佢哋落船嗰陣有一男一女接佢哋。」何小姐指現場不覺有工作人員在二人身旁,亦未見有攝製隊,估計二人是到坪洲甜蜜拍拖。

其實《蘋果》早前已收到一名自稱劇組工作人員爆料,指Ian的真命女友的而且確是Amy Lo。二人在《男排女將》結局中,Amy就以彩蛋姿態出場,有指此乃Ian特意安排她參與。他們在另一部劇集《無限斜棟有限公司》更有不少錫嘴戲,該工作人員指今年9月開鏡時,lan已不自覺打雀咁眼望實Amy,估計當時他已認定目標打算全力「進攻」。該工作人員又稱拍攝時曾親眼見他們打情罵俏:「佢哋為對方揼骨、餵嘢食,break time兩個自己行開傾偈,要成棚人等佢哋。」

原本拍拖是甜蜜開心事,可是昨日是新城電台舉行頒獎禮的重要日子,MIRROR 11子齊集上台領取「勁爆組合」獎,惟獨不見Ian的蹤影,司儀指Ian因工作缺席頒獎禮,如今卻被踢爆和女友「蜜」會拍拖而賣甩兄弟。而花姐一直被網民指偏愛Ian,不過愛將為冧女連事業都懶理,唔知花姐會唔會嬲到頭頂出煙呢!

二人同屬高頭大馬身形,容易惹人注意。


Ian全程拖實Amy隻手。


在Amy的IG中,亦出現同款手袋。(IG圖片)


二人態度親暱。


讀者何小姐所影的相中,在碼頭見到的男仔右邊面頰清楚見到有粒墨。


在Ian的IG相中,右邊面近耳仔位的確有粒墨。(IG圖片)


Ian自從參加《全民造星I》後,拍劇唱歌星運日隆。


二人9月拍攝ViuTV新劇《無限斜棟有限公司》,有指Ian在開鏡時早已對Amy有意思。


MIRROR 11子昨日一齊出席新城電台頒獎禮,唯獨不見Ian蹤影。


爛口港姐陳曉華終於和Ian撇清關係了。(IG圖片)


-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS/Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁


鍾意就快D Share啦!