慘慘豬
藝人曹永廉（阿廉）於無綫劇《愛美麗狂想曲》內化身萬人迷，不時獲異性主動埋身，不少靚女如張秀文及朱智賢等，都紛紛被他吸引，尤其前者角色本已婚，遇上他後發生一夜情，事後更打算離開丈夫與阿廉雙宿雙棲。可惜神女有心襄王無夢，阿廉為打發秀文，竟做衰人借故向對方討20萬，又搞到她被誤會為情自殺跳樓，而她遭阿廉拒絕後，崩潰爆喊，令人相當心痛！
談到演情場衰人，阿廉打趣說：「我入咗無綫21年，喺收入上滿足唔到我，咪喺其他方面畀番少少着數我囉，遲啲我仲會同蝦頭床戲連場。（以前喺情場試過咁衰？）我都拒絕過人，又畀人飛過，但論次數應該係飛人哋多！最記得試過發現唔Ｗork，但又唔想面對現實，咪選擇唔聽電話同失蹤囉，不過直到依家都好內疚，又或者換個角度講，當時我係放生咗大家。」談到與蝦頭的床戲，阿廉笑說：「同其他女藝人合作，都會驚被人話抽水，但蝦頭就唔使驚嘞。」
來源 source: http://hk.on.cc
|
鍾意就快D Share啦！
|
|
|
