原來係流料。
向來鬼主意多多的林作又有新搞作，有傳他在今年最後一日迎娶現年32歲的裕美，據消息指，凌晨零時他們於男方半山麥當勞道寓所舉行婚禮簽字結婚，他們選擇在美國猶他州的網上登記註冊，並透過視像在海外律師見證下結成夫妻；現場只有十多位朋友、裕美媽媽及愛犬出席，未見一直反對他們拍拖的林作媽媽Lily現身。而今日林作在社交網上載一張穿西裝的單人相，令到傳言更疑幻似真。
林作就與裕美結婚一事回應：「我係同保險團隊呢幾日就開Party，玩吓嘢啫，咪當做吓新聞好笑吓。（真定假？）結婚邊有得咁兒戲，傻傻哋，睇到啲相都知開緊Party玩緊嘢，做到好似好真咁，點知真係攞嚟講，啲人好相信就真，我明嘅，但冇就冇，講到咩律師見證，邊有得咁樣㗎。」事後林作再於社交網否認婚訊。裕美表示：「唔係真㗎，真係唔係真，搞到個個走嚟恭喜我，好搞笑，（林作一直好錫你？）佢錫我係真嘅，將來真係結婚會話你知。」
身在內地的林作媽咪亦接受東網訪問時，亦否認個仔秘婚：「佢哋都係玩吓，唔係真，如果佢真係瞞婚，我會同林作斷絕母子關係，哈哈！」
來源 source: http://hk.on.cc
|
鍾意就快D Share啦！
|
|
|
