藝人張頴康與太太麥雅緻育有一對可愛的子女「小豆」和「小花生」，昨晚（21日）他宣布太太再度懷有身孕，新生命即將來臨，可喜可賀。喜上加喜，長女「小豆」今日（22日）7歲生日，張頴康在家中為女兒舉行生日會慶祝，見他抱着愛犬，和女兒、兒子、太太及其肚內的BB，「一家6口」大合照，十分溫馨。見壽星女「小豆」以一身粉色獨角獸造型打扮亮相，非常搶鏡。切蛋糕時，她更擺出反眼表情，相當搞笑。
生日會當然少不了「小豆」的朋友仔出席，期間一眾小朋友在吹氣滑梯及迷你泳池玩到癲，身為好爸爸的張頴康全程在旁睇到實，寸步不離。他留言：「無論幾忙幾攰，都為佢慶祝！簡單約咗幾個同學仔一齊玩，剪綵下水禮，大家都好開心！」
無限興奮迎接第3個小生命來臨的張頴康，接受東網訪問時，被問到可有打算挑戰有4個仔女的林盛斌的「多仔公」地位？他表示：「唔啦，但有時啲嘢都話唔埋，唔好講到咁實，可能過2年老婆又話掛住小朋友細個，再嚟過呢，哈哈，但應該唔會。（3個都係多仔公）唔知算唔算呢，不過，對我嚟講係好開心嘅，睇住啲小朋友大，好滿足，嚟緊都期待成家着《超人特工隊》嘅衫影相。」為了好好照顧老婆，他會幫手做家務，而身在外地的外父外母稍後亦會回港幫忙照顧。
來源 source: http://hk.on.cc
|
鍾意就快D Share啦！
|
|
|
