藝人張栢芝參與大陸綜藝節目《讓生活好看》第二季，展露唔同一面嘅佢，喺最新一集中，被女星張馨予好奇提問：「哪個男藝人你覺得他追求你，你會同意跟他戀愛？」栢芝原來一直「心有所屬」，大嗌答案太簡單，秒答係劉青雲！
原來劉青雲一直係佢心中嘅男神，跟住張馨予繼續問：「那如果他現在給你打電話說…」問都沒問完，就被張栢芝打斷：「不可能，他太愛他老婆了。」不過佢又提起自己完全冇諗過再婚，直頭係完全唔想，因為佢想搵一個同佢有同一個方向、一齊享受生活嘅人，可惜仲未搵到。另外，佢又自爆指40歲之前完全唔保養，全部都係純天然，仲同嘉賓即場度面圍，最後發現佢圍度最小，兩邊顴骨相連都只係僅10.86cm，係真．巴掌臉！
而聽日（24日）就41歲生日嘅張栢芝，獲好友張文慈及鄧萃雯預祝生日，見三女都飲到有啲面紅紅，睇嚟難得見面大家都傾得好盡興。
來源 source: http://hk.on.cc
|
鍾意就快D Share啦！
|
|
|
