【造美人】 ViuTV再玩另類選美真人騷 16強挑戰自己接受大改造
繼《最後一屆口罩小姐》後，ViuTV再搞搞新意思舉辦另類選美比賽《造美人》，昨日更在專頁上載16強參賽者的照片，並留言說：「嶄新選美節目《造美人》經過節目組精挑細選之後，終於選出最終16強！佢哋將會於6月7日(星期一晚) 9:30挑戰自己，亦都挑戰你眼球，一齊用自己嘅後天努力，令自己由外靚到內，增強自信，人人都可以展現後天美！一齊期待佢哋蛻變嘅過程，一齊邊睇邊努力！」
ViuTV的facebook專頁首度公開16位參加者的相片，她們以超級「蝦人著」嘅白色Tube top及白色貼身運動褲上陣，將身形缺點表露無遺，綜觀16強的相片，大肚腩、水桶腰、粗髀、雙乳下垂、平胸乜中有，更有部份參賽者直認曾後天「加工」，包括割雙眼皮、隆鼻及打肉毒桿菌等，噱頭十足！而網民就剥到一地都花生，選美未舉行經已好期待，其中以1劉芷橋、2張育玲、7陳芊妤、8林珊妮、9林詩敏、12羅卿娗先「跑出」成網民焦點。
網民留言說：「我幾鍾意9號天生麗質樂觀mode，改造埋不得了...其次1號都唔錯」、「2號整得幾好」、「12號冠軍！唔使選！完」、「其實佢哋本身唔差，身形上改變到已經唔錯，其次識得化妝修飾吓已經ok」、「8號同埋有幾個本身都幾靚，打吓就可以」、「7號有種A1美人感」、「又自肥」、「有個似保錡」、「這些女孩好勇敢」、「好似幾好睇！」、「勁！呢類題材香港真係冇！」
來源 source: http://hd.stheadline.com
|
鍾意就快D Share啦！
|
|
|
