2021年5月23日星期日

想借鑒「試當真」節目陳智燊強調唔係抄襲係請教 #陳智燊

想借鑒「試當真」節目陳智燊強調唔係抄襲係請教

游學修嘅人氣YouTube頻道「試當真」大受歡迎，陳智燊也想借鑒「試當真」節目。

陳智燊（Jason）自從離開TVB，同老婆宋熙年（Sarah）拍住上轉做KOL後月賺高達60萬，現時夫妻檔經營網上頻道，陳智燊今日出席腕錶宣傳活動時，坦言外闖都有得有失，喺疫情期間做KOL工作有好多顧慮，尤其有初生BB，擔心開會及見人，就算借車嚟拍攝也要考慮衛生問題，幸而目前疫情放緩變得輕鬆，之前啱啱借咗架400萬嘅跑車嚟拍片。

他透露正與無線、香港開電視及ViuTV洽談拍攝節目，但不會全家一齊演出，也想親自構思如「試當真」般節目，問他會否擔心被指抄襲欠新意？他強調說：「唔係抄襲係請教一吓，唔要全抄足，如果合適嘅話可以借助某啲題材，不過，𠵱家見到一班年青人推動着娛樂圈，係開心嘅事。」又問到曾志偉加盟無線後情況是否有改善？Jason堅持要有新衝擊，無論曾志偉或王祖藍都好，因為某啲節目已運作咗好耐，有啲嘢係要換一換。」