藝人胡諾言（胡仔）向來家庭放首位，於3個子女心中絕對是廿四孝爸爸、太太陳琪心目中則是暖男一名，皆因只要胡仔在家的時候，一定忙到冇時停，他接受東網訪問時表示，家住樓齡高的村屋，故屋企耐不耐便要修葺，但每次叫裝修師傅上門維修，加埋費用相當乸脷，為免假手於人兼慳錢大前提，最終自己頂硬上任師傅一職，沒料久而久之，胡仔竟然變成全能師傅，上至粉飾牆身、下至換智能廁板也難不倒他：「其實都係以小朋友同太太為先，希望佢哋有舒適環境，有時覺得牆身唔靚，咪自己買油返屋企搞，其實以前同太太住第二度村屋時，都試過一齊油樓梯，油埋公家地方添，太太話油油期間唔使諗太多雜念，個人都會變得好平和。」
談到不少藝人也會送子女出國讀書，胡仔不諱言也曾與太太商量過，惟子女們年紀尚小，故待往後幾年再決定，更說：「女仔喺父母身邊好啲，個仔呢，遲啲等我能力可以應付嘅話，會畀佢出去見識。」
來源 source: http://hk.on.cc
|
鍾意就快D Share啦！
|
|
|
