謝賢怕搶胡楓鏡，所以唔去！
藝人胡楓（修修）接受老友薛家燕電台訪問，事後獲對方送花預祝父親節，修修亦相當識做，收花後表示要送回給家燕姐：「呢2、30年嚟，你身兼父職，所以父親節都屬於你。」
談到6月19日演唱會的籌備工作，修修表示有與樂隊綵排，準備工夫已陸續開始，只欠正式踏台板。問到家燕會否做嘉賓，她笑說：「我問佢淨係吚吚哦哦，我唔理咁多，到時自己出現，大家識咗60幾年嘛。」修修解䆁：「我70歲演唱會嘅時候，佢一連嚟咗兩晚，再麻煩佢真係唔好意思。嗱，我冇叫佢㗎，佢自己出現就唔關我事。」
問到修修是否已聯絡上謝賢，他表示「唔記得咗添」。家燕姐笑說：「我之前演唱會搵過佢，佢竟然答我佢唔嚟，費事一出現搶我鏡喎。」修修即表示：「係喎，咁我都驚佢搶我鏡喎。」他又「報喜」表示早前接受了身體檢查，醫生表示「冇乜嘢要擔心」，家燕接口：「佢真係好叻，平時好注意飲食。」
記者再追問家燕姐湊孫情況，她開心表示：「就嚟12朝，依家8磅幾嘞，身長咗2厘米，算係咁。（改咗名未？）搵人改緊，40日要攞出世紙。」
來源 source: http://hk.on.cc
|
鍾意就快D Share啦！
|
|
|
