成個瘦晒，陰功！
MIRROR成員「人氣王」姜濤及隊友Ian（陳卓賢）、李幸倪（Gin Lee）、林二汶、林家謙及Serrini，這幾位於《Chill Club推介榜年度推介20/21》頒獎禮年度男女歌手的金銀銅得主，今晚（5日）在麥花臣場館舉行演唱會。騷前姜濤和Ian的粉絲各自為自己偶像打氣，其中約30名Ian粉絲在場外舉燈牌，幫本月9日生日的Ian預祝生日，而姜濤更獲過百粉絲舉牌大叫支持。演唱會獲藝人駱振偉、ViuTV高層魯庭暉到場支持，在禁聚令下，場內坐了1,100個觀眾。
演唱會在8時20分開騷，由女歌手金獎得主二汶打頭陣演出，獻唱《最後的信仰》、《驚人》等3首曲，氣氛熱烈，她唱完跟大家打招呼，表示：「今次係《Chill Club》第1次喺外面錄影，但今次有現場觀眾，大家畀啲麥花臣聲嚟聽吓，又畀啲紅館聲聽吓！」大家即不停歡呼！之後姜濤、Ian及林家謙唱《The Best is Yet To Come》，3人以官仔骨骨造型上陣，其中日前曾發「厭世文」放負的姜濤以全黑上陣，消瘦的他沒甚笑容。
之後留下Ian獨唱3曲，他解釋剛才3人合唱的歌是希望做得愈來愈好：「企上台，大家都覺得大家係心目中嘅男歌手，嚟緊會有好多有才華嘅歌手，所以做嘅嘢唔會最好，只有更好。」接着他與Serrini合唱《致姍姍來遲的你》，2人像情侶般手拖手轉圈，又互讚對方靚，期間身穿高衩貼身裙的Serrini擔心走光，不時望住個衩。
Serrini和李幸倪合唱《IGNITED》後，姜濤再次出場，Solo跳唱《Master Class》，跳到西裝的領位也拉開，細V變大V，唱完講嘢後喘晒氣及帶點緊張，對於早前網上留言放負，他有感而發地說：「要相信自己，前一排我可能唔夠信自己，好多謝Chill Club畀我抖咁耐先至出席公開活動。」之後唱出從未公開獻唱過的《孤獨病》，其後戴了頂黑帽，由頭黑到腳，唱《一號種籽》期間姜濤兩度無開口唱，播着和唱聲。
6位歌手接着分別以不同的2人組合出場獻唱，姜濤與Serrini合唱《愛情簽證申請》，他又與Ian合唱《另一個諾貝爾》，唱罷姜濤與Ian拍膊頭下台，互相給予支持。其他組合還有林家謙與Ian合唱《神奇的糊塗魔藥》，林家謙又與Serrini唱《開燈。熄燈》；李幸倪與二汶唱《潛水》，李幸倪又與Serrini唱《先哭為敬》不停Crossover，十分精彩。
來源 source: http://hk.on.cc
|
鍾意就快D Share啦！
|
|
|
