台灣藝人雞排妹（鄭家純）被爆同跑車男王先生上酒店，而王先生原來有未婚妻，雞排妹驚爆做咗小三，即時喺社交網發長文，留言：「我也不想被認為是第三者。」呢件事即時成為熱話！
男事主王先生喺呢件事爆出之後接受訪問，佢話同雞排妹喺4、5年前認識，係經朋友而認識，佢又話同雞排妹嘅關係係「家人般的好友」，佢話：「我們到飯店，是因為疫情之故，沒有地方可以聊天，她也有室友，不方便去她那邊聊，我們聊到4、5點，我身體不好不可能跟她做那件事。」王先生又承認同雞排妹有過短暫交往，但佢最終難頂媒體壓力，最後雞排妹提出分手。而王先生冇否認對雞排妹精神出軌，如果女友要求，佢會同雞排妹斷絕關係！
另外，雞排妹所發嘅長文被發現編輯咗15次，一開始發文大有336字，最後增加4段內容，最後寫咗564字，而雞排妹自己都忍唔住話：「連我自己都覺得這篇很好看。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
