藝人陳山聰、趙希洛、湯洛雯等在將軍澳電視城為無綫劇集《金宵大廈2》進行復活節宣傳，因免疫系統疾病一直未有出席宣傳的女主角李施嬅突然驚喜現身，令大家也相當高興。
施嬅戴上兩個口罩及太陽眼鏡亮相，指事前大家也不知她會出現，為了給大家驚喜，她連好姊妹趙希洛也呃埋。她講到病情透露已經痊愈8成，她說：「依家好精神，最近日日做咗運動，狀態、指數都好好，抵抗力亦好番好多，只係隻眼未變番正常咁靚，所以唔敢見人啫。」不過，她指眼睛還要看痊愈情況，有可能要再做手術。
問到現在是否完全復工？她說：「都未係百份百，要等個樣回復番正常先，依家健康就絕對冇問題，要靚少少先，視力都冇問題，只係有啲大細眼。」她又指患病期間未婚夫給予很大的激勵，陪伴做運動，給予正能量，總好過兩人攬住喊。
陳山聰昨晚（14日）在《今宵2》線上音樂會獻唱，問到是否有意重返樂壇？他說：「唔敢諗，太多高手，我作嘢就叻，作曲就唔叻，都係專心做演員。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
