藝人周嘉洛、陳瀅、王灝兒（JW）、朱敏瀚、張頴康、麥美恩等，今日（26日）在將軍澳電視城為無綫古裝喜劇《痞子殿下》宣傳。周嘉洛指劇集拍攝時由5月拍到9月，天氣相當熱，已經習慣了，變得相當耐熱。陳瑩則指拍劇面尖尖拍到圓潤，她笑說：「開劇前減肥，開始係最瘦，但同JW、張頴康都愈拍愈肥，因為大家都貪玩，一齊玩一齊食，就算得2個鐘，都情願唔瞓覺，一齊去食早餐再開工。」
講到周嘉洛與陳瀅因拍劇傳撻着，兩人再次否認緋聞，陳瀅說：「我哋係大家一齊撻着，但係冇愛情，只係有友誼。」嘉洛亦稱沒有愛情元素，大家合作得相當開心。周嘉洛講到劇接劇播出，與視帝郭晉安看齊，講到對喜劇可有信心，他說：「咁啱啫。不過，自己都唔睇好我自己嘅喜劇，因為張頴康同小寶（陳嘉佳）呢對真係冇得頂。」講到戲中與朱敏瀚扮女人搞笑，可擔心觀眾反或？他說：「喜感好主觀，觀眾可能未必接受會唔睇架，我哋自己拍都好反感，連播都冇睇，瞌埋眼拍完等出街。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
