2022年7月26日星期二

MIRROR演唱會丨AK姜濤在台上險跌倒「鏡粉」嚇壞鬧爆罔顧安全 #MIRROR #姜濤

MIRROR演唱會丨AK姜濤在台上險跌倒「鏡粉」嚇壞鬧爆罔顧安全

MIRROR在紅館舉行的12場演唱會昨晚（25日）正式展開，不過昨日開騷前卻傳出總綵排時發生意外，一眾舞蹈員在社交網狂出多張黑圖以及以黑底白紙留言狂鬧，有指因有舞蹈員綵排時受傷，覺得台上機關重重之餘；但製作單位卻漠視表演者的安全，因此出言狂轟，曾是舞蹈員的江𤒹生（Anson Kong）及陳瑞輝（Frankie）也發聲聲援。

而結果昨晚頭場演出後，的確台上有多個大大小小的升降台，另外還有爆破等效果，結果不少「鏡粉」（Fans暱稱）看完後留言謂：「驚嚇多過驚喜！」其中AK跟楊樂文（Lokman）各自企在升降台出場合唱《虎道門》，當AK一邊跳；一邊升降台升高，但升降台突然出現一下搖晃， AK即時失去平衝，他立即單手按地以免跌倒，可謂有驚無險。另外，當12子出場唱《12》時，眾人在舞台四邊的架空台上行走，但架空台接位卻出現高低，AK一個不留神踩空又險跌，驚險萬分，同時姜濤也因架空台高低而窒腳，認真牙煙。

12子昨晚有驚無險下，算是順利舉行首場紅館演唱會。



12位成員在台上又唱又跳。



AK在升降台出場時，但台突然搖晃，令他險失平衡跌倒。



AK立即用左手按着舞台站穩。



真係嚇死「生粉」。

「鏡粉」擔心偶像反應激動

不少「生粉」（AK fans暱稱）及「姜糖」（姜濤fans暱稱）皆紛紛在MIRROR的FB專頁留言鬧爆：「搞好個台一路睇一路成額汗！真係好擔心有人出事呀！個台有啲位又危危乎好搖咁樣！唔該你公司錫下班仔同dancers 」、「唔該保障下旗下藝人，以及相關舞台從業員嘅安全，唔好樣樣靠好彩。班鏡仔開咁多場，我地鏡粉驚足咁多場。D橋又窄又搖，升降機上嚟chok得咁大力，又無嘢扶，跣咗AK出去就頭落地，唔好有意外先嚟遺憾。」

完騷後姜濤在限時動態說︰「今天辛苦了，希望大家一切順利，平平安安，感恩每一個過來看的你們。」、「請大家在鳴謝DANCER時，企起身為佢哋拍手掌，畀返佢哋應得嘅尊重同APPRECIATION」。希望之後12子與每位舞蹈員都平平安安，順利完成多場演出。