參照韓團做法，MIRROR為了今次演唱會特意推出一支盛惠360元的手燈，但因需要預約才能購買而一度引起粉絲不滿，經歷過頭場演唱會之後，有成功購買手燈的粉絲表示不單未如預期一樣出現「手燈海」，更狠批燈牌太多導致現場光到猶如看室外演唱會一樣，嚴重影響舞台燈光效果：「乜舞台效果都睇唔到」、「搞到光污染咁」、「真係太光」、「只可以用手燈係一個好好嘅選擇，唔會阻到人」、「支持偶像都要尊重設計師」、「啲手燈冇用啦，啲燈牌咁光」、「韓團啲手燈海好靚㗎...」、「好心唔好咁自私，開show就熄咗啲牌啦」。
Tyson Yoshi日前在Instagram亦曾經就燈牌問題向其粉絲呼籲，希望在自己的演唱會中不要帶任何燈牌等發光的東西入場，為的就是能夠令整個現場更加有氣氛。雖然至今仍然未有任何公告表明粉絲嚴禁在MIRROR演唱會場內攜帶燈牌，但有不少有購票的網民留言指，希望粉絲能夠在餘下的11場演唱會中自律，只開手燈一樣可以支持到自己喜愛的成員。
MIRROR演唱會舞台危險四伏 網民鬧爆：演唱會定雜技表演？
本文作轉載及備份之用 來源 source: http://www.hk01.com
|
鍾意就快D Share啦！
|
|
|
