「MIRROR.WE.ARE LIVE CONCERT 2022」吸引大批圈中人捧場，包括汪明荃、鄭裕玲、 MakerVille高層魯庭暉、組合ERROR成員肥仔、193、阿Dee及保錡、謝安琪和老公張繼聰及仔女、男子組合P1X3L、師妹女圑COLLAR等。
演唱會於8時45分開場，MIRROR穿上白色西裝出場，全場哄動，被吊在半空的12子緩緩跌落舞台，寓意成功空降紅館。12子在煙花及震撼紅館的尖叫聲下，勁歌熱舞連唱3首圑歌，包括《Innerspace》、《Reflection》及由Tiger、Jeremy負責Rap《All In One》。之後由Jer在鋼琴家的伴奏下，單飛打頭陣獻唱《黑夜不再來》，之後Jeremy、Frankie、Stanley、Anson Lo輪流「Solo」。MIRROR 12子熱唱勁舞3首圑歌後，由Jer單飛打頭陣，在鋼琴手的伴奏下唱出《黑夜不再來》，而他站在來回移動的天橋上，感覺有點牙煙，到Jeremy獨唱《半》，之後輪到Frankie及大露背的Stanley獨唱，而4子同台合唱，也沒有交談半句，終於到姜濤上台，他深情演繹了《作品的說話》。
曾傷及手指的Anson Kong，終於傷愈，事隔約年多，可彈住結他在演唱會中獻技，還有樂隊伴奏《金星女孩》及《信之卷》，他說：「係咪估唔到第一個講嘢係我，陣間有個兄弟同我唱歌，你哋估到係邊個咩？」全場起哄，lan現身台上。
Frankie在台上分享如何煉成隱形人，盡顯其感性一面：「好似黑洞咁被吸入去，被隊友搶咗講，又話我冇嘢講，真係好難，不過都有人讚Frankie好專業，因為成個訪問都喺度笑！出道好有抱負，想為世界有貢獻，依家MIRROR嘅目標變咗我嘅目標，我跟住呢個目標行，愈嚟愈迷失，甚至乎冇咗自己。隊友好多嘢做，我匿喺屋企望住四面牆，尤其疫情，窮到要問人借錢，依家我有返多啲嘢做，識得用態度度過低谷。」他又說現30歲才由舞蹈員轉職做歌手，呼籲鏡粉跟他一樣，戒除壞習慣，不要相信自己做不到，不要先放棄自己:「咁就乜都有可能！我要問大家借信心，可以借啲畀我嗎？」全場報以雷動掌聲成鼓勵。
他訴完心聲後，其他11子再度登場，而眾圑友身上的服裝都印上自己的肖像，相當有個人風格，之後齊升到高台再繞場一周。
隊長Lokman和Tiger台上打鼓，一輪鬥鼓後，Stanley和Jer攞住結他再登場，組成MIRROR Band，唱出《Yellow Fever》、《黑之呼吸》和《收聲多謝》，場內氣氛熾熱。Rock完一輪完後，到Ian唱情歌《Distance》和《留一天與你喘息》，《留》曲後段時全場大合唱。愛錫「神徒」的Anson Lo主動走近「神徒」揮手打招呼，氹到「神徒」快缺氧暈倒，至於Frankie又伸手跟粉絲握手。
Edan出場唱《E先生連環不幸事件》時，發生機件故障，起身轉了兩次圈都失敗，全場大叫：「Edan」為他打氣。後來又因為鋼琴key出錯，工作人員上台急急修理，他執生說：「畀個位我講嘢添，呢啲騷意外成日都有。邊Part最好睇？一定係呢一Part，因為12場剩係得呢場有。」
Anson Lo上台同Edan對彈，黑白雙煞Look，然後「田牧CP」合體，「唔同色情侶裝」對唱 。Edan話好開心請到Anson Lo一齊跳舞，Anson Lo話：「呂生講呢啲。」最後，12子再換上黑色禮服出場，再度掀起高潮。全場觀眾起身並表現不捨！
演唱會晚上11時30分完場，粉絲大叫encore叫足5分鐘。12子以Casual wear登場再次娛賓，並表示：「多謝你哋陪伴我哋一齊，本來好緊張，但係見到你哋就冇嘢嘞。」然後讀出鳴謝名單，並表示：「有你哋（粉絲）幫手開咗個靚頭，可唔可以幫我哋大合唱？嚟返個靚尾？」最後兩首歌來個全場大合唱。最後於11時52分12子全體落台。完場後有女粉絲大讚演出好精彩，以第一場來說比99分，留1分為進步分。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
