今日10月11號，係屬於各位女孩子嘅日子「國際女童日」，旨在提升全世界對於女童面臨不平等待遇嘅關注，大家應該趁呢一日關心吓身邊嘅女仔呀。是日最旺生肖係馬，事業超旺鴻運當頭，信心十足做事得心應手。「馬國女神」林明禎就係屬馬，樣靚身材正嘅佢事業一向勁掂，早排出活動仲着住開衩超短裙，騷絕對領域索到爆！
不過最近香港出現咗同樣來自馬國嘅女神黃潔琪，唔少網民仲覺得佢哋好似樣話明禎地位受到挑戰！不過運程講明明禎BB事業勁，鴻運當頭完全唔使驚喎，繼續着多啲性感靚衫畀粉絲睇，一定可以穩住女神地位。
今日幸運星係獅子座，你哋運氣好到不得了，可以喺職場競爭入面佔優勢。羅志祥（小豬）就係獅子座啦，佢真係超犀利，捱過感情風波近年重振演藝事業，正式復出後仲要完成第6度攻蛋，經過咁大件事仲有唔少歌迷支持，佢喺職場競爭梗係佔盡優勢早排仲公布會再搞巡唱香港都有份，小豬相隔7年再來港開騷，一定大把粉絲支持。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
