電影《寒戰1994》今日（18/4）舉行潘氏家族陣型預告啟動禮，由戲中飾演潘氏家族第四代話事人謝君豪，帶領住吳慷仁、廖子妤及陳家樂出席。會上更播出潘家 ...
電影《寒戰1994》今日（18/4）舉行潘氏家族陣型預告啟動禮，由戲中飾演潘氏家族第四代話事人謝君豪，帶領住吳慷仁、廖子妤及陳家樂出席。會上更播出潘家陣營的預告片，其中一幕見到謝君豪怒斥飾演兒子的吳慷仁畜生不如，然後大巴摑落去，隔住熒幕都覺得痛，事後豪哥更透露︰「其實唔止1巴，係連續6巴，仲要拍幾個角度。」
電影《寒戰1994》今日（18/4）舉行潘氏家族陣型預告啟動禮，由戲中飾演潘氏家族第四代話事人謝君豪，帶領住吳慷仁、廖子妤及陳家樂出席。（葉志明 攝）
![]()
談到這一幕，謝君豪坦言拍完右手都有點痛︰「呢一幕我係要打6巴，加上不同角度拍攝，前前後後都30幾巴，打完隻手都好痛，所以慷仁塊面仲痛，要不停敷冰。」而導演梁樂民都好聰明，明知拍完呢幕吳慷仁一定臉腫，所以將這一幕放到當日最後才拍。吳慷仁︰「拍完仲休息3日先拍下一場戲。」
![]()
![]()
![]()
摑到咁厲害，豪哥都有不好意思，有擔心是否太重手？「但有呢種感覺就更符合角色，因為我係佢父親，第一下打落去一定唔忍心，但要教就要堅持打落去。所以埋位前都同慷仁講明嚟真，假仲衰，要拍多幾次。不過呢位係戲痴嚟，係好好嘅對手，令我好放心去演。」
![]()
![]()
![]()
除了掌摑一幕，令慷仁感受到豪哥的威嚴，第一幕合作也深深體會那份不怒而威。「第一幕佢企喺窗邊，我行入去時佢冇講嘢，都已經好有氣勢，好有威嚴，佢一轉身看著我時，那份威嚴好勁。」而更令慷仁佩服是豪哥每次要早3小時到現場化那老妝。「每次都3個鐘好辛苦，永遠我化完佢都仲化緊。而當沒有我戲份時，我都好鍾意留喺片場睇佢演出，好享受。」
