男團MIRROR人氣成員姜濤今日（18日）現身馬場出席慈善活動，日前他出席音樂活動記招時，因不舒服而未有受訪提早離場，他今日受訪時透露當時由於Jetlag及行程較忙碌，未調整好生理時鐘才有感不適，幸好今日狀態已回復正常。
談到他日前被控「不小心駕駛」，他指事件在去年發生，並在上周開庭審理，希望大家引以為戒，小心駕駛，而問到「駕駛沒有牢固地附上『P』字牌的車輛」的罪名，姜濤解釋：「嗰個係執法人員打嚟問我先知，其實我印象中我有掛，但係佢話後面嘅擋風玻璃影唔到，我suppose一定有掛，但係可能震跌咗，我唔知我冇check，因為嗰排我租咗新嘅車，買咗個新嘅P牌，可能就震甩咗。」他又表示出事車輛已經維修好，但笑言目前不敢駕駛住，要先學好駕駛技術，不過強調不會賣掉：「唔捨得，係度睇住佢都好啊！」
姜濤即將於本月尾迎來27歲生日，問到他會否到「姜濤灣」巡遊，他表示以往有去過，不過感覺不太方便，很開心粉絲為自己慶生，又表示覺得比起是自己生日，反而變成令粉絲很開心的一個節日，而生日正日他則表示暫未有工作消息，可能留在家中看大家慶祝。提到收過最印象深刻的禮物，姜濤表示都是手作的禮物：「我成日都話，唔使送啲太貴，寫啲信啊、可能自己整嘅一啲公仔，其實都OK嘅。（之前有粉絲送銀紙花？）唔係咁好嘅，啲錢留番畀自己使啊大家。」
提到他5月的粉絲見面會剛好與母親節同日舉行，會否提早與媽媽慶祝，姜濤即露出恍然大悟的神情，解釋自己剛剛才得知，笑言：「我諗一諗先。（啲粉絲帶埋媽媽嚟見你？）都好都得嘅。」而提到見面會上有許多「不準」的規則，姜濤即笑言他們經常無視規矩，玩綜藝節目時也會打破規矩，因此屆時會以粉絲的開心為主要，最緊要大家盡興而歸。
此外，姜濤透露最近仍持續在打籃球及匹克球，笑言打籃球是自己正職，副業才是歌手，提到他在台上被人指不要突出肚腩時，即看向自己的腹部，問到他是否想重回以前較瘦削的身形，他就表示：「想有肚腩，所以睇吓，哎呀無，真係失望」，不過一講完即爆笑澄清在開玩笑，強調健康最重要。至於問到他是否想操到像隊友Stanley咁大隻在澳門開騷，他就表示不敢這樣說，笑言沒有這個膽量。
本文作轉載及備份之用 來源 source: http://hk.on.cc
|
鍾意就快D Share啦！
|
|
|