約羅都加入傷兵名單。(Getty Images)
曼聯防線大災難，2位中堅哈利馬古尼、利辛度馬天尼斯停賽，馬菲斯迪歷特仍在養傷，現時連新星約羅都加入傷兵名單，未能出戰周日(19日)凌晨英超作客車路士，紅魔鬼領隊卡域克手上只有艾登希雲1位正宗中堅可用，後防存在重大隱憂，隨時又失分。
哈利馬古尼上月對般尼茅夫食紅牌，原本只需上場對列斯聯停賽，但佢因為當時被逐後辱罵第4旁證，被英足總追加停賽1場，唔可以上陣對車仔。至於利辛度馬天尼斯上仗「暴力犯規」領紅牌，上訴失敗後需要停賽3場，「玻璃腳」馬菲斯迪歷特自上年11月底受傷後一直缺陣。
卡域克本來已經對「中堅荒」感到好頭痛，點知屋漏偏逢連夜雨，約羅大戰前夕亦不幸受傷，換言之，曼聯一隊陣容只剩下19歲嘅艾登希雲1位正宗中堅可以上陣鬥車仔。預料卡域克將會安排左後衞勞基梳爾客串中堅，佢之前都擔任過呢個位置。此外，右後衞達洛治移往左路，馬沙拉奧擔任右閘。
曼聯近2場英超只有1和1負，合共失4球，現時防線人腳嚴重不整，恐怕更加難以抵擋攻力強勁嘅車路士猛攻。
最強博彩盤路過關神器《串績王》：http://win.on.cc/football/
本文作轉載及備份之用 來源 source: http://hk.on.cc
|
鍾意就快D Share啦！
|
|
|