被控「不小心駕駛」上周已開庭審理
談到早前被控「不小心駕駛」，姜濤指事件發生在去年，上周已開庭審理，被罰款港幣一千元，直言是自己不對，希望大家引以為戒，切記小心駕駛。對於另一項「駕駛沒有牢固地附上『P』字牌的車輛」罪名，他解釋說：「係執法人員打嚟問我先知，我印象中有掛，但佢話後面擋風玻璃影唔到。我suppose一定有掛，可能震跌咗，我冇check，因為嗰排我租咗新車，買咗新嘅P牌，可能震甩咗。」他又透露出事車輛已維修好，但笑言暫時不敢開，想先學好駕駛技術，強調不會賣掉：「唔捨得，望住佢都好啊！」他揚言不會請司機，更不會放棄駕車，會再努力練習駕駛技術，也有可能需要重新再考車牌，目前正在等候律師的通知才知道自己現時可否再駕車：「知道咗會安心啲。」
解釋拒收粉絲禮物原因
姜濤將於月底迎來27歲生日，被問到會否去「姜濤灣」巡遊，他表示以前去過，但覺得不太方便，很開心粉絲為自己慶生，又覺得這更像是讓粉絲開心的節日。生日正日暫時未有工作消息，可能留在家看大家慶祝。提到印象最深的禮物，他說都是手作禮物：「我成日話唔使送太貴，寫信、自己整嘅公仔都OK。（之前有粉絲送銀紙花？）唔係幾好，啲錢留返俾自己使啊大家。」姜濤透露最近持續打籃球和匹克球，笑言打籃球才是正職，副業是歌手。提到曾被人在台上說不要突出肚腩，他即看向自己腹部，被問到是否想回到以前較瘦的身形，他表示：「想有肚腩，所以睇吓……哎呀冇，真係失望。」說完即大笑澄清是開玩笑，強調健康最重要。
本文作轉載及備份之用 來源 source: http://www.hk01.com
|
鍾意就快D Share啦！
|
|
|