陳茵媺唔清楚TVB收藝人社交帳號傳聞
陳茵媺接受《香港01》訪問時表示，當晚特來支持翁嘉穗，當記者提到翁嘉穗在當晚有跳唱演出時，她亦表示得知翁嘉穗為了表演落足苦功。談到仔女，她坦言因為有些客戶接觸，想搵她的兒子拍廣告：「始終佢哋大咗，有自己意見，我一定會問佢哋意見。」表示接拍廣告前會尊重他們的取向。另問及早前傳TVB下令收回藝人個人社交平台帳號一事，陳茵媺表示沒有聽過，老公陳豪也沒有提及。「我唔清楚，亦都冇聽過。（陳豪有講過？）又冇喎，佢呢排太忙？冇講過。佢尋日飛咗去上海，今朝先返。」
就職總理仔仔到英國升學
諸葛梓岐就職今年總理，她接受《香港01》訪問時，表示小朋友到了英國讀書。「我諗住佢唔啱，但係佢好快適應到。我同佢講我都好掛住你，不如返嚟啦，佢都話鍾意喺嗰邊。（有冇叛逆期？）而家都還OK，哥哥12歲，細佬7歲，但係佢都有自己諗法。」
莊子璇拍完《魔音女團》：自信咗
莊子璇接受《香港01》訪問，透露已完成了《魔音女團》拍攝，問及最終6人是誰時，她笑言要留待觀眾慢慢欣賞，不肯透露。訪問中，她坦言，透露節目得到了自信，坦言覺得以前的自信是「扮出嚟」而非真正從心而發的。「以前做司儀都會做到好專業，但係內心好緊張，但係今次呢個節目之後，內心真係自信咗。」她也表示，經過《魔音女團》拍攝後，唱歌跳舞都進步了不少。
波波考車等路試
波波黃婧靈接受《香港01》訪問，她透露遺憾沒有被選入《女神配對計劃2》，也表示，早前因睇過《F1》所以走了學車，現時已通過筆試，正等待考路試。
本文作轉載及備份之用 來源 source: http://www.hk01.com
|
鍾意就快D Share啦！
|
|
|