掃呢頁CODE去手機

2014年4月23日 星期三

[FACE 361] 轉型 唱「造假」歌 玩 18禁 關心妍:我唔怕政治 關心妍,MF,




整個 MV是關心妍一手策劃,原本想另請一位女演員做「小三」,但導演提議 Jade親身上陣,當然老公批准先得

真面目

轉型 唱「造假」歌 玩 18禁 關心妍:我唔怕政治

歌手可以透過音樂發聲,為民請命,近年玩得好盡有 B餐謝安琪,宣布唔玩維穩騷贏民心。

另一位 34歲人妻關心妍,原來已靜靜起革命,化名「 C-12」在網上大唱隱喻歌,唱盡社會各種民生問題。繼〈愈來愈正常〉和〈揀一個死法〉後,第三首〈罪名〉講小三引起的家庭糾紛, MV請來舞台劇演員陳文剛在酒店大玩偷情。由於意識太大膽, MV要修剪再修剪才出到街;下一首〈被注射〉更激,其中一句歌詞「叫萬人造假」充滿政治意味。

自前年頒獎禮,關心妍好似唔見咗,原來搵了一班猛料音樂人組成「 C-12」造歌,只限網上發放。歌曲內容大膽,唱盡社會問題,新歌〈罪名〉談及第三者造成的家庭問題,人妻關心妍放低形象,豁出去演小三拍 MV。關心妍說︰「呢首歌想話畀人知,如果一對夫妻冇問題,小三又點可以介入呢?我拍 MV嗰陣,深深體會到,亦明白當年點解會俾人飛,大家肯面對婚姻問題,就唔會有咁多家庭慘案。」

關心妍大讚陳文剛(前主播魏綺珊老公)好戲,雖然第一次做 MV男主角,但陳文剛的確埋位就上身,更教關心妍放鬆演好角色。

除黑絲

陳文剛幫 Jade除「黑絲」,無盡遐想,但只是 18禁 MV的開始。

拍攝前演員和導演都傾好尺度,這個伸手入裙的角度,多啲少啲都唔得。

陳文剛撥開 Jade大腿,很有可能最終要被刪剪。

導演刻意多次拍攝男主角手指的戒指,「大婆」由另一位舞台劇演員 Yee Sin Artemis飾演。

「討論變公審!」

見到關心妍今次瞓身演出,導演每拍一個 shot都睇清楚。

講到「 C-12」呢個 project,一向擅唱慘情歌的關心妍話其實想做好耐,「以前的確好多包袱,難得今次唱片公司咁支持,我真係想深切同大家一齊探討嚇,我唔怕政治,生活同政治係息息相關,我要去了解政治,好似𠵱家咁多社會問題,愈來愈唔正常,我去做義工時,見到好多婦女吸毒、少女援交等問題,我都要去了解,可能有一日我做母親都要提醒自己。」果然做過傑青,唔同「討厭政治」歌星之流。

近年的熱話,如「 14巴港女」、「 500蚊人情港女」,甚至近日的 MK-Pop,關心妍都有留意,她說︰「網上發達,𠵱家社會每發生一件事,大家都即刻放上網,初初係討論,𠵱家就變咗公審,係真係假?邊個知?〈被注射〉呢首歌係講流言嘅威力,一傳十、十傳百,好似當年話我「關家姐」,傳嚇傳嚇就好似真咁,喂!其實好寃枉喎!」

網上派歌新玩法

「 C-12」第一首歌〈愈來愈正常〉在 3月上載 YouTube,至今已有近 19萬點擊率, MV搵咗細細粒拍,又搞笑又血腥,一推出已經引起話題,網民又估邊個主唱;再隔兩星期上載第二首〈揀一個死法〉,已經有網民估到係關心妍,點擊率亦有近 16萬,曲詞的王雙駿和陳詠謙功不可沒,網民亦大讚關心妍唱功唔同咗,有新鮮感。

「 C-12」的歌只放上網,〈愈來愈正常〉搵「 AV仁」宣傳,大家又明唔明?

搵細細粒拍〈愈來愈正常〉 MV,成功製造話題,「 C-12」由冇變有,網民勁 buy!

〈被注射〉

曲:王雙駿 詞:陳詠謙

黑色的心臟挖瘡疤

歪曲的街嘍囉笑著爬

歡呼的他等如噪音的轟炸

熄了他你總有方法恥笑他

黑色天空瘟疫放的煙花

骯髒的基因人人變怪物它

欠缺了怨氣過重的解藥要路人受靶

誰人被注射 yeah~你被誰惹

誰被注射 yeah~黑色怪病

誰人被注射 yeah~有罪難赦

有沒有惡毒了一些

誰人被注射我問你你被誰惹

誰被注射發病了醫生救命

誰人被注射惡毒到有罪難赦

有沒有過份了一些

尖酸加刻薄摑一巴

腥風之中無暇看落霞

一呼一吸僵硬帶一點可怕

討厭他你先有資格取替他

空虛的心迂腐到不開花

高不可攀的人人變了學家

控制了每個跳脫的想像叫萬人造假



鍾意就快D Share啦!