掃呢頁CODE去手機

2014年4月23日 星期三

[FACE 361] 田蕊妮處女騷 大炮澤做龍友 田蕊妮,MF,




阿田首個音樂會,已經搏到盡又 deep V又曬腿,不過最激都係佢任男 dancer摸 pat pat,做咗人妻都仲咁激!

FBI

田蕊妮處女騷 大炮澤做龍友

20年前參加《未來偶像爭霸戰》攞到金獎而加入娛圈嘅田蕊妮,入行後一直做演員,莫講話出碟,就連自己嘅歌都無。點知 20年後,因為佢老公杜汶澤,隨手喺屋企拍低佢邊化妝邊唱〈沒那麼簡單〉就俾 Paco睇中,月初出咗第一張個人唱片,上週四( 17日)仲開埋首個音樂會添!

「視後」田蕊妮第一次開騷,老公杜汶澤梗係出曬力支持,一向鍾意影相嘅阿澤,當日「龍友」上身,孭住支「大炮」四圍走,拍低老婆最正一面。阿田亦無令大家失望,著睡衣又大曬長腿。雖然阿澤成晚為攞個靚角度影老婆騰來騰去,但阿田冇讚老公之餘仲笑老公:「我好鍾意男仔會彈結他,好想老公可以彈結他,但佢只會彈人家。」呢個 gag會唔會爛咗啲?

鍾意影相嘅阿澤,上週四( 17日)晚擔住大炮,遠距離影老婆,似足「龍友」。

阿田邊唱〈不再讓你孤單〉,後面就播住佢同老公杜汶澤嘅陳年拍拖相。

音樂會後阿澤喺 fb多謝老婆,仲 po咗佢幫老婆影嘅靚相,一切其實盡在不言中,唔使講咁多。

網上圖片



鍾意就快D Share啦!