掃呢頁CODE去手機

2014年8月28日 星期四

[壹週刊 1277] 張新悅產前開 plan 張新悅,M1,




下個月就生得,張新悅趁有時間幫 BB搞定臍帶血庫,唔使老公操心。

同你吟一吟

張新悅產前開 plan

下個月預產期嘅張新悅,今胎又係女,加埋之前兩位千金,條命同 Suki徐淑敏一樣,天生外母相。

三條 Queen,張新悅話係咪追多個仔其次,反正等啲女大個,四母女可以開枱打麻雀。計劃定將來,張新悅唔只教打牌,仲幫即將出世嘅三小姐,做定臍帶血庫。

上個禮拜四(八月二十一日),佗住巨肚嘅張新悅,約咗兩個職員去中環 Cafe Landmark,幫 BB登記做臍帶血庫嘅手續。一男一女職員車輪嘴同張新悅講解條款問題,老公楊哲安唔喺身邊,大肚婆全程留心聽,其間攰到忍唔住「放蚊」。

做阿媽,張新悅有晒 plan,聽講佢位教育局前政治助理老公,亦 plan好明年參加南區區議會選舉;與其咁有計劃,兩位不如開多個 plan,生個仔收工

張新悅長胎不長肉,早前一家大細出海,仲有本事晒巨肚泳衣照。

大肚婆易攰,張新悅忍唔住「放蚊」。

大肚一樣要靚,補妝唔少得。



鍾意就快D Share啦!