掃呢頁CODE去手機

2015年1月2日 星期五

[忽然1周 - 1014] 大肚大婆 vs大肚梳化( Mandy Lieu) Mandy,劉碧麗,Mandy Lieu,MW,




靚抽王

大肚大婆 vs大肚梳化( Mandy Lieu)

太陽娛樂公司老闆洗米華華哥近日喜事連連。係!我都要嗌佢一聲華哥,因為佢嘅正室同情人知己竟然同時有咗,除咗力證華哥打得睇得搵得之外,仲令到花生滿地。究竟華哥呢位「佳人」最後花落誰家?就等我哋賭蕉王分析吓!








可能性 1:大婆贏晒

賠率:一賠蕉蕉

分析:咩叫大婆?「大」呀嘛!正室梗係大啲㗎啦,仲要係一個大咗肚嘅正室。洗米華前排同大婆陳慧玲出席慈善晚會,足證大婆有米吃,而同日 Mandy Lieu就單騎入院睇醫生冇米吃。即是話大婆先勝一仗啦,再加上大婆又唔係真係咁大同咁老,勝算好高!

可能性 2: Mandy Lieu贏晒

賠率:一賠蕉蕉

分析:早前 Mandy Lieu曾化身人肉梳化俾洗米華坐,依家有咗,咁佢呢個梳化就多咗個功能,除咗華哥坐,仲可以俾 BB坐。正所謂一邊一個坐墊,左髀同右髀都坐滿晒人,場面一定非常溫馨,而贏面亦非常之高。 Mandy Lieu人形坐墊送混血 BB一個,係好難輸嘅確實……

可能性 3:洗米華贏晒

賠率:一賠蕉

分析:洗米華作為上市集團嘅股東,亦係太陽娛樂嘅老闆,家底豐厚,據說曾為江湖傳奇崩牙駒嘅馬仔,呢十幾年嚟靠住醒目頭腦扶搖直上,簡單嚟講,有咩風浪未見過?正室小三呢啲濕碎嘢,難得到佢咩?將 Mandy Lieu同大婆陳慧玲溝埋一齊做瀨尿牛丸都仲得呀我講你聽!

可能性 4: BB贏晒

賠率:封盤

分析:你以為大婆同小三有一邊會贏?少年你太年輕,亦都太天真家吓兩個都大咗肚,正所謂挾 Baby以令「豬猴」,足證其實 BB係大於一切。可見不久將來, BB出世後就會由 BB主導,分分鐘第日太陽娛樂都係由 BB揸旗,不過要等幾十年後啫。

娛樂賭蕉王

每期娛樂賭蕉王以專業角度分析熱門娛樂話題,為每個話題嘅發展可能性計算(偽)賠率,識睇一定係睇我哋!第日同親朋吹水都有啲揸拿!



鍾意就快D Share啦!