2015年1月8日 星期四

[壹週刊 - 1296] 蔡少芬幸福睇動畫 蔡少芬,M1,




同你吟一吟

蔡少芬幸福睇動畫

人嘅經歷,或多或少會影響將來,典型有蔡少芬;十八歲搞百萬生日 party,二十五歲就做視后,呢個紀錄,大台至今未有人打破,更激嘅,係 00年公開同爛賭阿媽脫離關係。

經歷又多又複雜,過去無法改變,但蔡少芬努力改寫自己未來。堂堂女主角,選擇同做替身嘅張晉步入人生另一階段。結婚七年,老公由幕後走到幕前,仲攞埋金獎像最佳男配角,愈來愈順。

早排《壹》仔撞到佢兩公婆,帶兩個囡囡去圓方睇《大英雄聯盟》,睇完一人拖一個行去攞車走。事實擺在眼前,得過全國武術冠軍嘅張晉,並冇令老婆失望,至於蔡少芬,擺明係旺夫

一家四口去睇戲,冇化妝嘅蔡少芬見到《壹》仔,又笑又驚,即刻戴番副超。

跟住媽咪嘅信兒得一歲人仔,但自己行,好穩陣。

俾老豆拖住嘅大女楚兒,愈大愈靚女,見到鏡頭,主動 V晒手,三歲已經有星二代潛質。

張晉憑《一代宗師》馬三一角攞走第三十三屆香港電影金像獎男配角,老公吐氣揚眉,蔡少芬開心到見牙唔見眼。



鍾意就快D Share啦!
Related Posts Plugin for WordPress, Blogger...