2015年2月11日 星期三

捕獲野生發哥:「你繼續捕捉我啦」 發哥,周潤發,




呢次嘅發哥冰湖攝影實錄,唔單止可以睇到發哥嘅專業精神,仲可以分享到好多發哥樂天嘅想法同精彩語錄,你又點可以錯過呢?

next 1/1 pre

發哥對於粉絲掀起捕獲潮,坦言欣然接受。

next 1/1 pre

熱愛攝影的發哥,就算面對嚴寒的氣溫及冰天雪地的環境,亦阻擋不了他的專業及熱誠。

next 1/1 pre

連揀一個影相嘅角度,發哥都一絲不苟,呢個係成功人士必備嘅條件。

next 1/1 pre

為咗影好呢個凋謝嘅蓮蓬,發哥完全唔介意男兒膝下有黃金。

next 1/1 pre

發哥影相嘅專注度,睇得出佢力求完美嘅態度。

next 1/1 pre

發哥熱愛大自然,大家第時或者可以考慮去郊區捕獲佢。

next 1/1 pre

發哥每次「出手」捕獲「相中物」,都必然先作沉思。

next 1/1 pre

發哥除咗中意自拍,其實都好鍾意影相o架。

next 1/1 pre

呢張相,睇得出發哥做任何事都係有商有量。

next 1/1 pre

劉嘉玲之前喺《賭城風雲II》嘅首映度,封發哥做自拍神。

next 1/1 pre

the pancakes(資料圖片)

next 1/1 pre

【陳偉立北京直擊,秦健輝攝影】親民影帝周潤發所到之處總是被大班fans包圍求合照,他亦來者不拒,更會自動波拎起fans手機,拍下讓對方畢身難忘的自拍照。

有傳發哥在某慶功宴上,被數百人排隊索取合照,相信這兩年間他按下快門自拍的次數不下於一萬次,非常誇張!難怪影后劉嘉玲之前在新片記者會上,亦封發哥為「自拍(selfie)神」!

近年發哥強勢回歸華語片市場,去年主演王晶執導的賀歲片《賭城風雲》在內地勁收逾五億人民幣,在港亦大收三千五百萬港元,中港兩地再度吹起發哥熱。適逢發哥主演的賀歲片《賭城風雲II》即將上映,近日網上再出現多個「捕獲野生發哥」群組,勢要「活捉」、「生擒」發哥,用字「抵死」!相關群組網友,以分享與發哥合照為榮,並寫上經歷回味一番,最近女歌手the pancakes更為偶像創作歌曲《給發哥的歌》表明勁想跟發哥自拍,足證發哥魅力沒法檔!

日前《東網》記者飛到北京成功「捕獲」發哥,而被「捕獲」的發哥不但未有「掙扎」,更親切地帶《東網》記者遊遍北京六環郊區,體驗在冰湖雪地上攝影的樂趣。

自嘲通山跑似動物

受訪期間,發哥繼續展示談笑風生本色,對最近的「捕獲發哥熱」,他一聽到便笑不攏嘴,更大拋金句回應:「有聽過(捕獲呢個字眼),咪當我唔係人囉!哈哈哈!捕獲得一定係動物呢隻咁嘅動物通山跑一定要捉佢,可能佢有禽流感呀!哈哈哈……大家鍾意我係我榮幸嚟,你繼續捕捉我啦,我繼續走如果我係一個觀眾,見到偶像都會影番張相你諗吓如果佢睇咗周潤發咁耐,都冇咩機會見到佢真人嘅,依家手機咁方便影張相,仲要係發哥拎機喎!真係好難得o架。咁我都好難得,有個影迷捧咗我咁耐場。我突然撞到佢,同佢影番張相只係舉手之勞,我隻手又長,好快之嘛!按一下,一秒都唔使,但換來三十幾年嘅支持喎!咁梗係要做咁捧場喎,何樂而不為呢?當(fans)朋友咁,朋友叫你影張相唔通唔影咩?又唔花你好多時間。」

「發」出沒 注意邊區

另外,發哥還自爆出沒熱點:「你問我呢兩年有冇影過超過一萬張自拍?應該冇嘅,一千幾百應該有,有時我行山呀、喺街度呀!唔係咁多人嘅。(成日畀fans要求合照有冇造成生活不便?)如果我有需要時就會咁囉!(說畢,發哥將冷頸箍拉起遮面,只露出一雙眼)有時戴埋眼鏡,冇咩人認到我o架!如果我嗰日冇咩嘢,又唔趕時間嘅,咪拉開冷頸箍囉!(通常你會喺邊度出沒呢?)港九新界,麥理浩徑、衞奕信徑、鳳凰徑、西貢,邊度都有o架喎!」

簽名自拍是但揀一樣

之後,發哥再大談與粉絲自拍時的難忘經歷:「好多時位機主都唔知個自拍掣喺邊度,要我教番佢!咁佢冇咩機會自拍嘛!除非有啲貪靚嘅,就會對住部機化妝呀,睇番自己個樣呀,咁先會識o架啫,其他好多人都唔識,因為個鏡頭倒轉咗吖嘛!(fans仲有冇咩其他要求?)自拍完之後想我簽個名囉!我話自拍完就冇得簽名,簽名之後就冇得自拍喎!是但揀一樣咋喎!(有冇啲場景好刺激,好似馬路中心拉住你?)都有o架,通常都畀我喝住佢,過完紅綠燈去個冇咩人嘅角落先影。」

人高手長 得人鍾意

出名親民的發哥,更透露若自拍後有空檔,會跟粉絲閒聊:「如果唔趕時間都會,趕時間就拜拜走人o架喇!」談到the pancakes寫給自己的歌,之前已獨家回應過《東網》的發哥再度按耐不住開心謂:「我聽咗開心到死又好cute啦佢!我哋應承咗佢話嚟個合影!(叫埋發嫂一齊?)睇吓佢想唔想同發嫂影囉!佢歌詞提到發嫂嘅,咁就最好佢喺中間,發嫂側邊,我喺呢邊揸機作為一個公眾人物,有人寫首歌畀你都感動嘅,好開心。」談到「自拍王」稱號,發哥又再發揮搞笑本色謂:「因為我手長手定、人又高,兩個、四個、八個、廿個、卅個都影得晒嘛,咁先犀利!我唔係話叻咩嘢,係隻手長得人鍾意嘛!」

鍾意就快D Share啦!
Related Posts Plugin for WordPress, Blogger...