[FACE - 403] 有真愛 男教友憐憫力追 悲情阿 Yu：最緊要對兩個女好 MF,

6/2

逃離周永恒魔掌的阿 Yu，上週五帶埋細女愛希，接大女信希放學。

真面目

有真愛　男教友憐憫力追　悲情阿 Yu：最緊要對兩個女好

32歲趙頌茹（阿 Yu）同 30歲周永恒婚姻失敗，周因涉嫌恐嚇阿 Yu及向外母吐口水被判監 2個月，但獲緩刑 18個月唔使坐監。

脫離魔掌，阿 Yu現時獨力撫養分別 4歲的信希及 2歲的愛希，一邊做單親媽媽一邊努力搵錢，務求儘快重過新生活。雖然湊住兩個女，但阿 Yu仍然有 market，據知她近期被一名男教友力追，可惜對方年齡比自己細，「姊弟戀」令阿 Yu好猶疑。阿 Yu向本刊表明有乜擇偶條件，除咗要尊重同錫佢，最緊要係對兩個女好，講到尾，都係唔想再搵個淨係識家暴同搞外遇囉！

上月被判監 2個月，緩刑 18個月的周永恒，知道唔使踎監後表情風騷。《蘋果日報》圖片

據知一名年紀細過阿 Yu兩年的專業人士中產男教友，對佢非常有好感，可惜搞緊離婚的阿 Yu要努力搵錢養女，現時以工作行先，加上與周永恒的姊弟戀失敗收場，令佢唔敢接受對方好意。

「最緊要尊重我」

週日（ 8日）阿 Yu出席活動時，雖然唔認有人追，但又公開擇偶條件，唔通想話俾男教友知？阿 Yu說︰「我嘅感情生活現時一片空白呀！冇人追我，唔覺有任何攻勢喎，我電話個 list淨係得經理人同阿媽電話，我都想多啲。（有信仰會唔會加分？）有固然好，不過最緊要識尊重你、愛你、關懷你，我𠵱家要求好高㗎喇！（係咪一定要囡囡接受？）我一定以兩個小朋友為優先，最緊要對兩個女好，如果佢哋唔鍾意，我直頭唔會諗！」

呆滯買餸

唔使開工，素顏 Yu落街市買餸，等畀錢期間竟然發呆長達 12秒！唔通仲有嘢未諗通？

慳家媽咪

一個人養家，阿 Yu買條菜都要格過價先出手，好慳！

5/2 Salon吹水

去完 Salon整頭，等車期間阿 Yu（左）同經理人吹水，表情多多把口又未停過，似乎有成肚苦水要呻喎！

做完活動，阿 Yu由經理人打的送返屋企，車錢都慳番！

周永恒避返內地

周母（左）同兒子不離不棄，現時希望周永恒暫時返大陸，去親戚間公司幫手。《蘋果日報》圖片

自從同周永恒分開後，阿 Yu工作量大增，多了代言廣告之外，亦頻頻出騷，好受歡迎。唔使開工的日子，阿 Yu亦會身兼父職，親自湊囡囡返學放學，又會去街市買嘢煮飯，盡量抽時間同兩個女享受家庭樂。

至於普通襲擊罪成的周永恒，唔使坐監執身彩。據知周母為免兒子再度犯事，已要求周永恒在緩刑的 18個月期間，返內地到親戚的屋企暫避，避免再次騷擾阿 Yu。難得阿 Yu可以重新生活，周永恒真係要生性唔好累街坊喇！

Ruby日本避世

周永恒甩難唔使坐監，阿 Yu又重過新生活，小三 Ruby（劉依靜）又點呢？同港視冇晒約，有份參演的電視劇又未出街，已經撇甩周永恒的 Ruby，原來去咗日本旅行散心，順便把事件降溫。

Ruby（中）同港視同事飯局。

飛甩周永恒， Ruby近日去咗日本旅行散心。

鍾意就快D Share啦！

下一篇 》