特首女梁齊昕闖影圈 六位數演社工
特首女兒梁齊昕入娛樂圈夢終於成真，並已落實接拍電影擔正女主角！昨日電影舉行記者招待會，答應出席的齊昕因身體不適而缺席。
齊昕處女拍戲即擔正女主角，並收六位數酬勞！
齊昕曾與影帝秋生和舞王郭富城合照，早已有興趣入娛樂圈。
李逸朗表示戲中有機會奪齊昕的銀幕初吻，令他小鹿亂撞，大呼緊張！
揚言有意加入娛樂圈的梁齊昕，早前為有線做嘉賓主持，引起極大回響，如今再進一步踩進大銀幕，接拍劉俊輝執導的電影《男極探射燈》（暫名），處女下海即擔正女主角。昨日傍晚該片舉行記者招待會，通告列明齊昕會出席。
齊昕頭炮電影已十分有睇頭，不僅有指會着三點式，還會有床戲，記者會上吸引大批記者採訪，劉俊輝再重申女主角梁齊昕會出席，卻一直未見其蹤影：「佢答應咗會嚟，簽咗約。（重金禮聘？）好難講，有錢人可能覺得唔重，六位數字。」他透露梁齊昕在戲中飾演社工，大讚對方有演藝細胞，想培育她，問到是否有床戲？他說：「有床戲，佢成日喺張床咬朱古力，成日畀啲蟻咬。（親熱呢？）談情嗰種。（三點式呢？）睇吓佢哋拍拖有冇游水。」問到齊昕可有設下底線？劉俊輝說：「佢畀我拍，我都唔會拍。（怕佢背景？）唔係，因為分分鐘會上內地，有時可能會有粗口嘅對白，不過唔係佢，係戲中嘅人。」
導演讚聰明唔怕辛苦
劉俊輝稱該片投資逾千萬，三月八日正式在香港開鏡。問到與齊昕接洽多久？他說：「簽咗個幾兩個月，傾都係個幾兩個月。（誠意打動佢？）唔使，佢鍾意拍戲而我又鍾意拍戲，佢好捱得，點辛苦都唔驚。（對佢印象點？）好聰明，係一個好女仔，邊個聰明人唔百厭，之前有同佢試戲，都係叫佢跟住啲稿去背對白。」
記者會接近尾聲，劉俊輝突然宣布齊昕不能夠出席：「啱啱聽到消息，佢上唔到嚟。（邊個？）齊昕，佢上咗車但返轉頭，行都行唔到。（佢咩事？）人有事，收到消息係個人有事。」
劉俊輝被問到有否與齊昕聯絡？他說：「成日同佢講電話，食飯同飲咖啡，如果搵唔到佢，又點會搵佢拍戲？（套戲仲拍唔拍到？）點會拍唔到？簽咗約，點會拍唔到，冇話拍唔到，人唔舒服都冇辦法。（拍唔到告佢毀約？）簽咗約點會唔應承我拍，拍唔到先算，佢身體比較差。」
「佢又唔係得17歲」
對於齊昕身份過於敏感，會否比較難告毀約？劉導演說：「唔舒服冇法，再算。（佢屋企人其實知唔知佢拍戲？）又唔係搵佢屋企人拍，佢又唔係得17歲。」
而記者會結束後，劉導演接受本報獨家電話訪問，假如真的拍不成，會否有後備計劃？他語氣堅定地說：「我對佢仲好有信心，暫時未諗過。（佢戲份高？）好高同佔好重要。」問到戲中誰人演她父親，劉導演則大賣關子，表示暫不公布，要保持神秘感，但外傳是陳惠敏飾演戲中齊昕的父親。
齊昕處女拍戲即擔正女主角，並收六位數酬勞！
齊昕曾與影帝秋生和舞王郭富城合照，早已有興趣入娛樂圈。
李逸朗表示戲中有機會奪齊昕的銀幕初吻，令他小鹿亂撞，大呼緊張！
|
鍾意就快D Share啦！
|
|
|
