熱爆娛樂: [FACE - 403] 新姣精　溝吳啟華姣阿叻搭上黃浩信　富貴黃心穎專埋人夫身阿叻,黃心穎,心穎,吳啟華,黃浩,陳百祥,MF,

2015年2月11日星期三

[FACE - 403] 新姣精　溝吳啟華姣阿叻搭上黃浩信　富貴黃心穎專埋人夫身阿叻,黃心穎,心穎,吳啟華,黃浩,陳百祥,MF,

週日（ 8日）黃心穎與媽咪在又一城濕平，冇男人在旁的她冇乜扮靚，戴住黑框眼鏡，全身黑媽媽幾乎冇人認得。

真面目

新姣精　溝吳啟華姣阿叻搭上黃浩信　富貴黃心穎專埋人夫身

黃心穎 12年選港姐，話咁快就拍劇而且冇停手，上位咁快有傳係因為黃心穎姣掂高層，同時亦成被封為新一代姣精。

唔單只咁，身為富家女嘅黃心穎似乎有鋪好勝癮，專向人夫埋手，最新鮮係一齊拍緊《東坡家事》嘅王浩信，上一手就係合作《再戰明天》嘅吳啟華，仲有傳吳啟華離婚都係因為心穎 BB添；而早於心穎 BB選港姐時，已姣黐阿叻陳百祥搵着數，難怪佢撈得咁掂囉！

其他影片：>>溝親都係人夫　富貴黃心穎最愛高難度

黃心穎最近成為新一代姣精，專嗒已婚男，最近就搭上咗王浩信，雖然緋聞見晒光，但黃心穎依然在微博上載了一張被王浩信抱起的劇照，更寫住「所有好的，不好的，都要好好記住這一天，不要被綑綁，要相信。」唔單只暗示被婚姻綑綁的王浩信，仲寫到明要「相信」，難怪傳到似層層。

王心穎一向鬼妹仔性格，豪爽又唔怕展現身材，電車仔冧死。

溝吳啟華

去年 10月拍攝《再戰明天》已傳黃心穎姣溝吳啟華，之後吳啟華同老婆宣布離婚。

姣阿叻

12年選港姐，黃心穎已好識做埋叻哥身，叻哥大讚心穎 BB可以力捧。

搭上王浩信

心穎 BB在微博上載被王浩信抱起照片，寫住「不要被綑綁，要相信。」宣戰味道極濃！

王浩信同黃心穎北上拍《東坡家事》一個月，遠離老婆的王浩信玩到心都喪埋，同心穎 BB等埋位時大跳低能舞。圖片

挑戰高難度

據知，雖然在家中份屬細女的心穎 BB家住油塘過千萬單幢樓，出入揸超過 60萬的美國 Jeep牌越野車，老豆係中醫世家屬有米之人，但造成她好勝心強又愛挑戰高難度，對人夫情有獨鍾，又恃住自己鬼妹仔性格，平時講嘢鍾意挨身挨勢，一般雄性動物點頂得住？上年吳啟華同老婆石洋子宣布離婚，就有傳係黃心穎介入所致， 2人同樣是拍劇時撻着，雖然男女雙方都唔承認，但就傳到連同劇的徐子珊忍不住向吳啟華追問！

其實早在黃心穎選港姐時，已有傳佢成日黐實叻哥陳百祥，雖則叻哥乜人都見過，唔會俾呢個妹妹仔黐上身，但亦對心穎 BB好有好感，當時就曾經大讚黃心穎同朱千雪可以力捧，之後黃心穎咪主持過好多節目同拍劇，愈撈愈掂囉！