阿佘嚟緊忙為電影《衝上雲霄》宣傳，戲分唔少得過 Sammi，又拍住古仔，仲恨做視后咩？做影后好過
真面目
好大牌 起大台飛腳 楊怡執三攤 佘詩曼嫌黃浩然未夠班
之前就話一台獨大，不過小生花旦而家可以北上揾食，講價籌碼大咗，唔一定聽大台話喇。
好似視后佘詩曼上年簽返大台，但講到明一年一劇嘅佢，大台諗住揾佢拍《呂后傳奇》，諗住阿佘一個夠照，所以去年節目巡禮是但搵咗黃浩然、張致恆拍佢，但進軍大銀幕嘅阿佘又點會肯屈就，仲要話推就推唔使講理由，而呂后一角已暫定由楊怡接手。
39歲佘詩曼上年重簽大台，不過曾北上拍劇，賺過 40萬一集的她，仲邊甘願只做大台視后，所以講到明一年一部，重要自己話 ok先拍，上年套《使徒行者》就係最好例子，唔係阿佘 like個劇本，得鬼閒睬你。
《呂后》 3月開拍
不過大台霸道慣，上年節目巡禮揾阿佘拍住黃浩然、張致恆為《呂后傳奇》宣傳，諗縮數揾阿佘一個夠照，一心諗住其他主角平得就盡平，據知當時阿佘已對呢個卡士陣容不滿，不過覺得係節目巡禮卡士未落實，所以當時冇出聲。
進軍緊電影圈嘅阿佘，喺《衝上雲霄》電影版拍住古仔同 Sammi升晒呢。至上月阿佘收到公司通知，希望佢 3月埋位拍《呂后傳奇》，但最慘係卡士冇變，雖然黃浩然呢幾年當旺，不過佢視帝都冇攞過邊夠班呀？大台聞到𤓓味已即刻將陣容升呢，由張致恆改為吳卓羲頂上，但阿佘實行睬你都傻，而《呂》劇監製李添勝本想用胡杏兒頂上，但胡杏兒約滿在即，結果由楊怡執三灘谷住拍，楊怡想有得揀？走咗先
添哥製作唔多掂
阿佘除咗因為卡士唔夠勁之外，據知又擔心監製李添勝作品唔多受歡迎，因為添哥近年多套作品好運滯，除咗《神探哥倫布》仆直，有祥仔、胡杏兒孭飛嘅《巾幗梟雄之諜血長天》又推出冇期。加埋最近套《宦海奇官》收視一般，阿佘擔心好正常。
大台急換血
大台花旦小生叫走，尤其孭得飛嗰堆走得最多，阿佘叫唔郁，杏兒離隊，得番楊怡鍾嘉欣拍唔到幾多套，除咗最近揾嚟謝安琪拍《殭》外，大台近年力谷陳凱琳、蔡思貝上位，希望遠水救到近火啦。
|
鍾意就快D Share啦！
|
|
|
