全城熱爆的娛樂八封新聞 & 時事趣聞 & 生活 + 趣聞
陳敏之買嘢超快手，試咗兩對高踭鞋， 10分鐘搞掂畀錢！
強國人最叻就係買嘢消費，但原來 35歲做咗人妻嘅陳敏之仲快，忙緊拍新劇《性在有情》，早前都趁有空檔，快速去中環鳩嗚，原本有位姊妹陪住行，兩個行下行下運桔居多，但一同朋友分開就嚟料喇。
全知言見住佢入咗去中建大廈間鞋店，身高 5呎 7吋嘅索腿天后第一時間就試啲 4吋高踭鞋，加埋成 6呎高真係高人一等，最緊要陳敏之由睇中到試鞋、畀錢走人全程都唔使 10分鐘搞掂，連坐佢對面位自由行都呆咗。
買完高踭鞋未夠喉，陳敏之再殺落去 Victoria Secret，不過佢只係買香水唔係買性感內衣。
陳敏之原本孖住朋友行街冇收穫，反而一條友就好快買到嘢。
