熱爆娛樂: [FACE - 403] 大翻身　搣甩小三味　 Liddy全裸搏反彈 Liddy,BKD

2015年2月11日星期三

[FACE - 403] 大翻身　搣甩小三味　 Liddy全裸搏反彈 Liddy,BKD_S,李悅彤,MF,

Liddy在《四非》中飾演一樓一，唔止衣着性感，其中一幕仲要冇清場下全裸沖涼，為部戲搏到盡！

真面目

大翻身　搣甩小三味　 Liddy全裸搏反彈

去年 5月，同有婦之夫彭順偷情斷正響朵嘅李悅彤（ Liddy），事隔半年，雙方各散東西，彭順繼續補鑊做跟得老公， Liddy就會主演新戲《四非》全面復出。據知 Liddy新戲角色極大膽，除講粗口、性感內衣褲上陣兼有自慰場口，新片夠話題，上週本刊更發現佢一支公到花墟辦年貨兼揀桃花，實行催旺人緣羊年再上路。

其他影片：>>誓要搣甩小三除　 Liddy買桃花催運
>>出浴全裸　 Liddy剝清搏翻身

Liddy同彭順偷食斷正，再經歷埋父親吞槍自殺雙重打擊，不幸遭遇亦惹來同情，原本諗住退出娛圈嘅 Liddy，下月就會為主演嘅新戲《四非》復出宣傳。

新戲《四非》中， Liddy大多數都係以內衣褲上陣，仲要不時要爆粗，好大 r犧牲㗎！

Liddy雖然同周柏豪冇激情肉搏戲，不過意識大膽場面就一幕接一幕，自摸當然唔少得。

Liddy戲中飾演一個充滿仇恨的孤兒，為咗幫媽咪報仇而接近周柏豪，仲因為好多內心戲，拍攝當時心情長期低落，連對住工作人員都冇笑容，話要同佢哋講聲好唔好意思。

Liddy因為同彭順偷情斷正而成為小三，事隔半年， Liddy都唔想舊事重提，仲話自己以後都唔會亂拍拖，凡事都以工作行先。

全裸冇清場

新戲《四非》係 Liddy第一部主演電影，角色同演技都不容忽視。

Liddy新戲的角色極富發揮，戲中飾演一名充滿仇恨的孤兒，為生計而出賣肉體，大多數時間都只係以內衣褲上陣。角色造型有睇頭，仲有唔少大膽意識場面，好似要自摸，兼當住成個攝影團隊全裸沖涼，為部戲搏到盡！ Liddy說：「自己克服咗好耐，在場又有幾百對眼望住，真係覺得好尷尬！至於拍嘅時候好多時都要嗌 cut機，因為乳貼遇水就會甩，要即刻搵人幫手黐番好！真係好難忘，可以嘗試到高難度挑戰！」

唔要假桃花

下月便復工，本刊早前發現 Liddy單拖到花墟掃年貨兼買桃花。當日 Liddy先行專門賣假花的鋪頭，一入鋪就睇桃花，不過行完一圈就閃人，原來嫌假桃花唔吉利，之後轉到樓下揀年貨，「年年都會買桃花，因為好意頭，自己又鍾意花！（催旺桃花？）冇話要催旺桃花，如果緣份嚟嘅話都擋唔住嘅！𠵱家會當每一個 job都係最後一個 job去做！」