掃呢頁CODE去手機

2015年3月13日 星期五

木偶哥拖歐陽巧瑩 愛回家過夜 [忽然1周 - 1024] 木偶哥,林師傑,MW,



本月 8號,木偶哥做完 gym後,與一早在停車場等候的歐陽巧瑩會合。人少的地方兩人就貼到實拖手,十分癡纏。

打頭陣

木偶哥拖歐陽巧瑩 愛回家過夜

第一屆《超級巨聲》出道的林師傑,在處境劇《愛•回家》飾演乖乖仔「木偶哥」,深入民心。不過,現實生活中林師傑是「食家」一名,入行以來狂溝女, 3年內緋聞女友有 6個之多。去年 5月他與正印鄧穎芝分手,有指是男方被鄧捉到正他與𡃁模山邊車震,其實當時他已暗溝是非港姐歐陽巧瑩。

事隔大半年,據知林師傑不但已溝掂歐陽巧瑩,兩人更已發展至半同居階段。周日( 8日),本刊斷正林師傑與歐陽巧瑩揸車返家過夜。其間,趁轉紅綠燈時,血氣方剛的林更猴擒啜爆女友,濕吻足足六、七秒。









今年一月,本刊發現林師傑和歐陽巧瑩鬼祟現身銅鑼灣利園拍拖。當日林師傑戴上黑超,而女友則素顏兼以粗框眼鏡加 cap帽,跟在林師傑幾個身位後。兩人行街時十分避忌,行到離行離列,林師傑不時回頭望女友。

當發現記者,兩人立即分道揚鑣,前後腳在停車場會合。歐陽巧瑩以為成功撇甩記者,施施然登上男友的百萬波子座駕。但當車輛駛出停車場時,記者上前拍照,兩人一臉尷尬地苦笑,歐陽巧瑩向記者揮手,林師傑則火速驅車離開。

3月 8日 車廂啜爆

等轉燈嗰十幾秒,林師傑跟歐陽巧瑩都唔放過。三度濕吻,火辣程度爆燈。

左望右望

有人經過,木偶哥即時𥄫實,以防有人偷拍,警覺性甚高。

木偶哥跟巧瑩咀完後,便帶她返回蠔涌住所過夜。

林師傑位於蠔涌的寓所,是樓高三層的獨立屋,落地玻璃,十分舒適,市價約二千多萬。

咀功箍花弗男

據知兩人已撻着大半年,但有能力收服花弗林師傑,歐陽巧瑩確有過人之處。唔講唔知,原來女方咀功了得,林師傑連揸緊車都要濕吻啜爆。

周日( 3月 8日)中午,林師傑在沙田做完商場騷,去銅鑼灣做 gym後,便在圓方停車場會合歐陽巧瑩。上車前,兩人還周圍望,警覺性甚高。視察四周後,放下戒心的歐陽巧瑩,立即向男友送秋波,林師傑則載女友回家過夜。不過血氣方剛的他,揸車等候轉燈期間,猴擒地三度啜爆女友。看林師傑回味無窮,就知女方的咀功好掂。之後兩人便齊齊返回林師傑位於西貢蠔涌的寓所,繼續享受二人世界,直至凌晨仍未見女方離開。

1月 28日 鬼祟拍拖

林師傑和歐陽巧瑩被記者撞破同車時,女方難掩黑面,不情願地跟記者揮手打招呼,男方即開車離去。

兩人 1月 28日現身銅鑼灣利園,為免被人發現,前後腳行得十分避忌。

擘大眼唔認拍拖

與女友過完火辣一晚,林師傑翌日中午一臉倦容,駕駛着座駕外出。記者截停他訪問。向他求證是否與歐陽巧瑩拍拖,他一概否認,還不斷以工作為由話趕住走,咀完唔認數。

記︰我哋影到你同港姐歐陽巧瑩拍拖。

林︰咩話?我拍拖?我幾時拍拖呀?

記︰你哋咀嘴喎!咁都唔叫拍拖?

林︰邊有咀嘴過呀?冇!冇!冇咀嘴過!

記︰係咪感情穩定?影到你哋同車返屋企過夜。講多兩句啦。

林︰唔好你哋成日都話講多兩句。我求吓你吖!我求吓你吖!公司唔俾拍拖,我依家事業為重,做嘢先。

記︰係咪驚公司鬧?

林︰梗係驚!我成日都俾公司鬧,依家趕住開工呀。

記︰真係影到你哋咀。

林︰我哋邊有咀嘴啫!我冇咀嘴過呀!

記︰歐陽巧瑩之前好多是非,俾人話夜蒲溝仔,又話私影,你點睇女友?

林︰我夠多新聞啦。真係唔講嘞。

記︰你帶個女仔返屋企,係咪已經見過家長?

林︰真係冇呀!乖啦乖啦,放過我啦。

說罷即跳上座駕離開。

兩人出席朋友生日派對,已經攬晒腰,非常親密。

早前兩人在網上晒情侶裝,話就話低調,但女方都忍唔住晒甜蜜。

其實木偶哥林師傑不嬲講大話當食生菜。去年 6月,本刊訪問鄧穎芝為何與林師傑分手,是否因為斷正林師傑車震,鄧當時火氣十足默認。訪問鄧穎芝的同日,記者發現林師傑心情靚爆,約埋歐陽巧瑩、楊潮凱等人到赤柱漫步沙灘兼飲酒吹水。

當日記者問林師傑是否追求歐陽巧瑩時,他驚青猛擰頭,強烈否認。而歐陽巧瑩當時亦幫口,話唔覺林師傑花弗︰「如果係,佢已經追咗我」不過紙包唔住火,事隔大半年,兩人的戀情浮面,在友儕的聚會中,不避忌糖黐豆。

3月 9日 驚青否認

木偶哥帶歐陽巧瑩回家過夜,玩咗成晚翌日殘爆離家。記者截停他訪問,被問戀情的他勁驚青,不斷「冇、冇、冇」。

去年 6月,林師傑與鄧穎芝分手(右),女方情傷殘爆。但同一時間,花心男已與當時的新獵物歐陽巧瑩沙灘漫步。

未分手已暗撻

林師傑因為飾演純情木偶哥一角,得到不少師奶支持。不過,現實的林師傑卻是猴擒花弗男。

知情者透露:「上年中師傑同 Vangie(鄧穎芝)仲一齊嗰陣,師傑已經同成班港姐玩到好癲㗎嘞。佢成日漁翁撒網式約成班女仔出來玩,不過蔡思貝同劉佩玥成日要開工冇騷佢。反而 Tammy(歐陽巧瑩)因為啱啱同有米男朋友分手冇耐,可能悶啦,就逢叫必到。咁師傑同 Vangie因感情變淡,成日嗌交,加上 Tammy好識姣男仔,佢兩個一早已經眉來眼去玩到好埋」

不過,據知上年爆出車震事件後,林師傑曾遭大台照肺,所以他今次拍拖惟有轉玩地下情。猴擒累事,親熱都是等愛回家吧。

鄧穎芝:扮睇唔到

記者致電林師傑舊愛鄧穎芝,她得悉前度與歐陽巧瑩行埋,酸爆話:「佢(林師傑)係一個咩人佢自己都知嘅,咁我都祝佢哋幸福快樂。(咁你覺得林師傑可唔可靠?)咁你要問番佢依家個女朋友先知佢可唔可靠!我撞到佢會扮見唔到囉!」

是非港姐

歐陽巧瑩今年 22歲,以前曾經做過私影妹, 2013年參選港姐時奪友誼小姐名銜。她參選時網上流出牀照,又不停傳出緋聞,之後更被踢爆獲富商包起,被人稱為「是非港姐」。

她五官與現在大不同,所以亦有傳整容。

歐陽巧瑩的私影相,甚懂擺甫士。

3年溝 6女

現年 25歲的林師傑由澳洲讀書返港,加入「巨聲幫」後被大台力捧。因家境好又識冧女,連舊愛鄧穎芝都寸他溝女多過食飯,除了現任歐陽巧瑩外,其情史十分精彩。

何雁詩

10年自稱剛回復單身的林師傑,被爆秒速搭上同是巨聲幫何雁詩,二人被拍得於圓方拍拖行街。有網民狂插林師傑在節目中自爆剛與女友分手,轉頭又追何雁詩。

鄧穎芝

二人於 13年撻着,可惜去年男方偷食車震被鄧穎芝捉到正,最終分手收場。

Gwen

去年有傳林師傑與嫩模 Gwen過從甚密,而 Gwen是鄧穎芝口中的疑似車震嫩模。之後 Gwen以勝利者姿態在社交網站向鄧穎芝挑機。

湯洛雯

去年被拍得於九龍灣撐枱腳後齊齊開工拍劇,不用埋位時二人更經常匿埋車廂談心。

吳嘉熙

去年林師傑和 Supergirls成員吳嘉熙於工作認識一撻即着。林師傑到土瓜灣上戲劇課時,吳嘉熙不避嫌現身探班,合照被友人放上社交網令戀情外洩。

娛圈接吻魚

除了木偶哥同歐陽巧瑩之外,其實有唔少圈中的接吻魚,都曾經被人野生捕獲,有些更在公眾場所被發現。

彭順 李悅彤

兩人去年 5月被拍到在圓方親密地接吻,其後彭順即飛馬來西亞向李心潔負荊請罪。

王菲 謝霆鋒

雖然兩人分手 11年,之後又各自結婚及離婚,最終還是走在一起,去年 9月被拍到在女方北京住所內激吻。

張栢芝 陳曉東

兩人 01年曾一起去泰國旅遊,其後公然在飛機上熱吻,旁若無人。

鍾意就快D Share啦!